পুৰুষৰ টেষ্টষ্টেৰন বৃদ্ধিৰ উপায় আৰু কম টেষ্টষ্টেৰন হোৱাৰ প্ৰভাৱ। প্ৰতিদিনে হস্তমৈথুন/যৌন সম্পৰ্কই টেষ্টষ্টেৰন কমায় নেকি?
( অপূৰ্ব দাস )
টেষ্টষ্টেৰন হৈছে পুৰুষৰ এটা মূল হৰম’ন যিয়ে শৰীৰৰ বহুতো প্ৰয়োজনীয় কাম নিয়ন্ত্ৰণ কৰে—যেনে পেশীৰ বৃদ্ধি, যৌন ক্ষমতা, শক্তিৰ মাত্ৰা, মেজাজ, হাড়ৰ শক্তি আৰু উৰ্বৰতা। বয়স, জীৱনশৈলী, মানসিক চাপ, খাদ্যৰ অভাৱ, টোপনিৰ অভাৱ, আৰু কেইবাটাও স্বাস্থ্যজনিত অৱস্থাই টেষ্টষ্টেৰন হ্ৰাস কৰিব পাৰে। স্বাভাৱিকভাৱে ইয়াক কেনেকৈ বৃদ্ধি কৰিব পাৰি, সঘনাই হস্তমৈথুন/যৌনতাৰ কোনো প্ৰভাৱ পৰে নেকি আৰু ই কমি গ’লে শৰীৰত কি পৰিৱৰ্তন ঘটে, সেই বিষয়ে জানো আহক -
◽টেষ্টষ্টেৰন বৃদ্ধিৰ প্ৰাকৃতিক উপায়
(১) পৰ্যাপ্ত আৰু গভীৰ টোপনি লওক
• হৰম’ন উৎপাদনৰ বাবে টোপনি অতি প্ৰয়োজনীয়।
• দৈনিক ৭–৮ ঘণ্টা শুলে টেষ্টষ্টেৰন বৃদ্ধিত সহায় কৰে।
• টোপনিৰ অভাৱত টেষ্টষ্টেৰন ২০–৩০% হ্ৰাস পাব পাৰে।
(২) স্বাস্থ্যসন্মত খাদ্য গ্ৰহণ কৰা
টেষ্টষ্টেৰন বৃদ্ধিত কিছুমান খাদ্য অত্যন্ত সহায়ক:
• কণীৰ কুহুম (ভিটামিন ডি আৰু এইচ ডি এল)
• শুকান ফল (আলমণ্ড, আখৰোট, কাজু – স্বাস্থ্যকৰ চৰ্বি)
• খেজুৰ বা খেজুৰৰ আচাৰ , মাটিমাহ ,তিল (জিংক আৰু ওমেগা-৩)
• আদা, পিঁয়াজ।
• সেউজীয়া শাক-পাচলি – লাই-পালেং, মেথি, ব্ৰকলি, গাজৰ, লাউ, ভেণ্ডি (মেগনেছিয়াম)
• দৈ, গাখীৰ, আৰু পনিৰ।
• মাছ (ছালমন, চাৰ্ডিন)
• কল, এভোকেডো – পটাছিয়াম। এইবোৰে শৰীৰত স্বাস্থ্যকৰ চৰ্বি, ভিটামিন ডি, জিংক, আৰু মেগনেছিয়াম প্ৰদান কৰে, যিয়ে টেষ্টষ্টেৰন উৎপাদনত সহায় কৰে।
(৩) আপোনাৰ ওজন নিয়ন্ত্ৰণ কৰক
পেটৰ চৰ্বি বৃদ্ধি হ’লে শৰীৰত ইষ্ট্ৰজেন বৃদ্ধি পায়, যাৰ ফলত টেষ্টষ্টেৰন হ্ৰাস পায়। দৈনিক ৩০–৪০ মিনিট দ্ৰুত খোজ কঢ়া উচিত।
• সপ্তাহত ৩–৪ দিন ব্যায়াম কৰিলে হৰম’নৰ ভাৰসাম্য ৰক্ষা কৰাত সহায় কৰে।
(৪) শক্তি ব্যায়াম
স্কুৱেট, ডেডলিফ্ট, পুছ-আপ, পুল-আপ, High-Intensity Interval Training (HIIT) এই ব্যায়ামবোৰে টেষ্টষ্টেৰন বৃদ্ধি কৰে বুলি বৈজ্ঞানিকভাৱে প্ৰমাণিত হৈছে।
(৫) Stress কমাব
দীৰ্ঘদিন ধৰি মানসিক চাপ থাকিলে শৰীৰত কৰ্টিছল উৎপন্ন হয়, যাৰ ফলত টেষ্টষ্টেৰন কম হয়।
• ধ্যান, যোগাসন, শ্বাস-প্ৰশ্বাসৰ কৌশল ইত্যাদি সদায় কৰক। প্ৰকৃতিত সময় কটোৱাটোৱে মানসিক চাপ কমোৱাত সহায় কৰে আৰু হৰম’নৰ ভাৰসাম্য ৰক্ষা কৰে। মোবাইল ফোনৰ ব্যৱহাৰ একেবাৰে কম কৰা উচিত। মোবাইল ফোনে ট্ৰেছ হ'ৰমন বৃদ্ধি কৰে, যাৰ ফলত শৰীৰত বেয়া প্ৰভাৱ পৰিবলৈ আৰম্ভ কৰে।
(৬) মদ আৰু ধূমপান পৰিহাৰ কৰক
মদ আৰু নিকোটিনে ক্ৰমান্বয়ে টেষ্টষ্টেৰনৰ মাত্ৰা হ্ৰাস কৰে। ইয়াক পৰিহাৰ কৰাটো হৰম’নৰ স্বাস্থ্যৰ বাবে অত্যন্ত উপকাৰী।
(৭) ৰ’দত সময় কটাব লাগে
ভিটামিন ডি টেষ্টষ্টেৰনৰ এক গুৰুত্বপূৰ্ণ উৎস। দৈনিক ১৫–২০ মিনিট ৰাতিপুৱা ৰ’দত থাকিলেই যথেষ্ট।
◽দৈনিক হস্তমৈথুন বা যৌনতাই টেষ্টষ্টেৰন কমায় নেকি?
মিছা—বৈজ্ঞানিকভাৱে প্ৰমাণিত হৈছে যে দৈনিক যৌন সম্পৰ্ক বা হস্তমৈথুন কৰিলে টেষ্টষ্টেৰন কম নহয়।
• কেইটামান গুৰুত্বপূৰ্ণ কথা:
অৰ্গাজমৰ পিছত ( বীৰ্য স্খলন) কেইঘণ্টামানৰ বাবে টেষ্টষ্টেৰনৰ মাত্ৰা সামান্য কমি যায়। খাদ্য খালে সোনকালে স্বাভাৱিক অৱস্থালৈ ঘূৰি আহে।
• নিয়মীয়াকৈ যৌন সম্পৰ্ক স্থাপন কৰা পুৰুষৰ টেষ্টষ্টেৰনৰ মাত্ৰা ভাল হয় কাৰণ ই মানসিক চাপ কমায় আৰু মেজাজ উন্নত কৰে।
• হস্তমৈথুন বা যৌন সম্পৰ্কই দীৰ্ঘম্যাদীভাৱে টেষ্টষ্টেৰনৰ ওপৰত কোনো ক্ষতিকাৰক প্ৰভাৱ পেলোৱা নাই।
⚠️এইটো কথা মনত ৰাখিব: কোনোবাই যদি অত্যধিক হস্তমৈথুন কৰে (দিনটোত কেইবাবাৰো) তেন্তে ই শাৰীৰিক শক্তি আৰু মানসিক মনোনিৱেশত প্ৰভাৱ পেলাব পাৰে, কিন্তু হৰম’নৰ মাত্ৰাত ইয়াৰ কোনো বিশেষ প্ৰভাৱ নপৰে।
◽টেষ্টষ্টেৰন কম হ’লে শৰীৰত কি কি পৰিৱৰ্তন হয়?
টেষ্টষ্টেৰন কম হোৱাটোৱে কেইবাটাও শাৰীৰিক, আৱেগিক আৰু যৌন লক্ষণৰ সৃষ্টি কৰিব পাৰে:
(১) শক্তি কমি যোৱা আৰু সোনকালে ভাগৰ লগা।টেষ্টষ্টেৰন কম হোৱাৰ প্ৰথম লক্ষণ হ’ল দুৰ্বলতা আৰু ক্লান্তি।
(২) কম লিবিডো ( যৌন ইচ্ছা)
পুৰুষৰ টেষ্টষ্টেৰন কম হোৱাৰ ফলত যৌন ক্ষমতা হ্ৰাস পাব পাৰে, যাৰ ফলত সম্পৰ্কতো প্ৰভাৱ পৰিব পাৰে।
(৩) ইৰেকচন সমস্যা (ED)
• ইৰেকচন ( লিংগ থিয় হৈ থকা ) সোনকালে আহিব নোৱাৰে।
• লিংগটো বেছি সময় থিয় হৈ নাথাকে।
(৪) মেজাজ বেয়া হোৱা আৰু হতাশাৰ অনুভৱ
টেষ্টষ্টেৰন কম হোৱাৰ ফলত মেজাজৰ পৰিৱৰ্তন, খিংখিঙীয়া, উদ্বেগ, আত্মবিশ্বাস কমি যায়।
(৫) শৰীৰৰ চৰ্বি বৃদ্ধি
বিশেষকৈ পেটত চৰ্বি জমা হ’বলৈ আৰম্ভ কৰে। শৰীৰৰ বিপাকীয় ক্ৰিয়া লেহেমীয়া হয়। হজম শক্তি কমি যায়।
(৬) পেশী দুৰ্বল হোৱা
পেশী গঠনৰ বাবে টেষ্টষ্টেৰন অতি প্ৰয়োজনীয়। যেতিয়া ই কম হয় - পেশীৰ শক্তি কমিবলৈ আৰম্ভ কৰে, হাত-ভৰি সাধাৰণ কঁপি থাকিব পাৰে।
(৭) হাড় দুৰ্বল হোৱা
দীৰ্ঘদিন ধৰি টেষ্টষ্টেৰন কম হ’লে হাড় দুৰ্বল হৈ অষ্টিঅ’পৰ’ছিছ হোৱাৰ সম্ভাৱনা বৃদ্ধি পায়।
(৮) দাড়ি আৰু গোঁফ লাহে লাহে বৃদ্ধি
টেষ্টষ্টেৰন কম হ’লে দাড়ি চুলিৰ বৃদ্ধিত প্ৰভাৱ পৰিব পাৰে।
(৯) মনোযোগ আৰু আনন্দ কমি যোৱা
মানসিক শান্তি, স্মৃতিশক্তি আৰু মনোযোগৰ ওপৰত প্ৰভাৱ পৰিব পাৰে। ভাল বস্তু উপভোগ কৰিলেও মনত আনন্দ নাথাকে।
টেষ্টষ্টেৰন প্ৰতিজন পুৰুষৰ বাবে এবিধ গুৰুত্বপূৰ্ণ হৰম’ন। ইয়াক প্ৰাকৃতিকভাৱে বৃদ্ধি কৰিব পাৰি—পুষ্টিকৰ খাদ্য, নিয়মীয়া ব্যায়াম, পৰ্যাপ্ত টোপনি, মানসিক চাপ হ্ৰাস আৰু সুস্থ জীৱনশৈলীৰ জৰিয়তে। হস্তমৈথুন বা নিয়মীয়া যৌন সম্পৰ্কই টেষ্টষ্টেৰনৰ ওপৰত কোনো ক্ষতিকাৰক প্ৰভাৱ পেলোৱা নাই। যদি কোনোবাই দীৰ্ঘদিন ধৰি টেষ্টষ্টেৰন কম হোৱাৰ লক্ষণ দেখা দিয়ে তেন্তে এণ্ড্ৰ’লজিষ্ট বা এণ্ডক্ৰাইন’লজিষ্টৰ পৰামৰ্শ লোৱাটো ভাল।
