আমি কেনেকৈ সুখী হ’ব পাৰো? সুখী হৰমন বৃদ্ধিৰ সঠিক উপায়
(অপূৰ্ব দাস)
আজিৰ দ্ৰুত গতিৰ জীৱনত সকলোৱে সুখী হৈ থাকে। কেতিয়াবা আমাক মানসিক চাপ, অস্বাস্থ্যকৰ জীৱনশৈলী, খাদ্যাভ্যাস বেয়া, নেতিবাচক চিন্তাই অস্বস্তিৰ সৃষ্টি কৰিব পাৰে। আমাৰ শৰীৰত কিছুমান প্ৰাকৃতিক ৰাসায়নিক পদাৰ্থ (হৰম’ন) থাকে যিয়ে মনটোক শান্ত, সুখী আৰু স্থিৰ কৰি ৰাখে। এইবোৰক হেপি হৰম’ন বোলা হয়। এই হৰম’নবোৰৰ ভিতৰত আটাইতকৈ গুৰুত্বপূৰ্ণ হ’ল চেৰ’টনিন।
(১) চেৰ’টনিন কি?
চেৰ’টনিন হৈছে মগজু আৰু অন্ত্ৰ দুয়োটাতে পোৱা এক প্ৰকাৰৰ নিউৰ’ট্ৰান্সমিটাৰ। ই আমাৰ নিয়ন্ত্ৰণ কৰে:
মেজাজ, টোপনি, হজম শক্তি , চিন্তা, ভোক ইত্যাদি।
ইয়াক সাধাৰণতে "সুখী হৰম'ন" বুলি জনা যায় কাৰণ ই আমাৰ মনটোক শান্ত, সুখী আৰু সুস্থ কৰি ৰাখে। শৰীৰৰ প্ৰায় ৯০% চেৰ’টনিন আন্ত্ৰিক অংশত উৎপন্ন হয়, গতিকে পেট আৰু অন্ত্ৰৰ অৱস্থাই আপোনাৰ মেজাজত যথেষ্ট প্ৰভাৱ পেলায়।
(২) "সুখী হৰম'ন" কম হ'লে কি কি সমস্যা হ'ব পাৰে?
যেতিয়া চেৰ’টনিনৰ মাত্ৰা কমি যায় তেতিয়া কেইবাটাও মানসিক আৰু শাৰীৰিক সমস্যাৰ সৃষ্টি হ’ব পাৰে, যেনে-
• সকলো সময়তে দুখ বা খিংখিঙীয়া অনুভৱ কৰা
• কামৰ প্ৰতি আগ্ৰহৰ অভাৱ
• অনিদ্ৰা বা টোপনি বেয়া হোৱা
• মানসিক চাপ আৰু উদ্বেগ বৃদ্ধি
• ভাগৰুৱা আৰু দুৰ্বলতা
• ভোক বৃদ্ধি বা কমি যোৱা
• হজম শক্তি বেয়া
• আই বি এছ, গেছ, পেটৰ বিষ, কোষ্ঠকাঠিন্য, বা ডায়েৰিয়া
• সঘনাই নেতিবাচক দুখৰ চিন্তা
গতিকে "সুখী হৰম'ন"ৰ সঠিক মাত্ৰা বজাই ৰখাটো স্বাস্থ্য আৰু সুখী জীৱন দুয়োটাৰে বাবে অতি গুৰুত্বপূৰ্ণ।
(৩) দৈনিক পেট বেয়া হোৱা লোকৰ হেপি হৰম’নৰ মাত্ৰা কিয় কম হয়?
উল্লেখ কৰা অনুসৰি ৯০% চেৰ’টনিন আন্ত্ৰিক অংশত উৎপন্ন হয়। কাৰোবাৰ হজম শক্তি বেয়া হ’লে—
গেছ, এচিডিটি, পেটৰ বিষ, দৈনিক ডায়েৰিয়া বা কোষ্ঠকাঠিন্য, আই বি এছৰ দৰে লক্ষণ থাকিলে আন্ত্ৰিক অণুজীৱ (ভাল আন্ত্ৰিক বেক্টেৰিয়া) দুৰ্বল হৈ পৰে। আন্ত্ৰিক অংশ দুৰ্বল হ’লে চেৰ’টনিন উৎপাদনো কমি যায়। ইয়াৰ ফলত সুখ কম হয়, উদ্বিগ্নতা বৃদ্ধি পায়, বহুতো ৰোগৰ বিকাশ ঘটে। গতিকে সুখী হ’বলৈ প্ৰথমে আন্ত্ৰ বা পেট সুস্থ কৰি ৰখাটো প্ৰয়োজনীয়।
(৪) সুখী হৰম’ন বঢ়োৱাৰ উপায়
তলত প্ৰাকৃতিকভাৱে হেপি হৰম’ন বৃদ্ধি কৰাৰ কিছুমান বৈজ্ঞানিক উপায় উল্লেখ কৰা হ’ল:
(১) ৰাতিপুৱাৰ সূৰ্য্যৰ পোহৰ ২০ মিনিট লʼব লাগে
পুৱা ৬ বজাৰ পৰা ৭ বজাৰ ভিতৰত সূৰ্যৰ পোহৰ মৃদু আৰু বিশুদ্ধ। এনে পোহৰ পোনে পোনে ছালত পৰিবলৈ দিয়ক। পিঠিত কাপোৰ নিপিন্ধিব।
লাভসমূহ-
• ভিটামিন ডি বৃদ্ধি কৰে
• চেৰ’টনিন আৰু এণ্ড’ৰ্ফিন মুক্ত কৰে
• মেজাজ উন্নত কৰে
• দুখ কমাই দিয়ে
• সূৰ্যৰ পোহৰে আচলতে প্ৰাকৃতিক এন্টিডিপ্ৰেছন হিচাপে কাম কৰে।
(২) দৈনিক ২০–৩০ মিনিট ব্যায়াম বা ধ্যান কৰক
ব্যায়াম আৰু ধ্যান দুয়োটাই চেৰ’টনিন, এণ্ড’ৰ্ফিন, ড’পামিন আদি সুখী হৰম’ন বৃদ্ধি কৰে।
আপুনি এইটো কৰিব পাৰে—
• দ্ৰুত খোজ কঢ়া
• যোগাসন
• সূৰ্য্য নমস্কাৰ
• লঘু ব্যায়াম
• কোমল ৰ’দত ধ্যান
• দিনটোত মাত্ৰ আধা ঘণ্টাইও জীৱন সলনি কৰিব পাৰে।
(৩) ট্ৰিপ্ট’ফেন আৰু মেগনেছিয়াম সমৃদ্ধ খাদ্য খাব লাগে
ট্ৰিপ্ট’ফেন হৈছে এবিধ বিশেষ এমিনো এচিড যিয়ে চেৰ’টনিন তৈয়াৰ কৰাত সহায় কৰে। ফল-মূল আৰু খাদ্যত পোৱা যায়। মেগনেছিয়াম সমৃদ্ধ খাদ্যইও সুখী হৰম’ন বৃদ্ধি কৰে।
◽ট্ৰিপ্ট’ফেন সমৃদ্ধ ফল আৰু খাদ্য:
কল, আনাৰস, আপেল, চেৰী, অমিতা, কলা জাম, শুকান ফল (আলমণ্ড, কাজু), বাদাম, দৈ, কণী, আৰু দালি - এইবোৰ দৈনিক খালে সুখী হৰম’ন দ্ৰুতগতিত বৃদ্ধি পায়।
◽মেগনেছিয়াম সমৃদ্ধ খাদ্যৰ নাম:
• এভোকেডো
• অমিতা
• ডমৰুৰ পকা ফল (বিশেষকৈ শুকান) ( Anjeer )
• কল
(৪) ভাল বন্ধুৰ লগত হাঁহি ধেমালি কৰা
যেতিয়া আপুনি হাঁহে, বন্ধুৰ লগত আপোনাৰ অনুভৱবোৰ শ্বেয়াৰ কৰে বা ইতিবাচক পৰিৱেশত থাকে তেতিয়া আপোনাৰ শৰীৰে স্বয়ংক্ৰিয়ভাৱে অক্সিট’চিন আৰু এণ্ড’ৰ্ফিন নিৰ্গত কৰে। ইয়াৰ ফলত আপুনি সুখী অনুভৱ কৰে।
(৫) সপ্তাহত এবাৰ ভ্ৰমণলৈ যাওক
সকলো সময়তে একে ঠাইতে থাকিলে মানসিক চাপ বৃদ্ধি পায়। নতুন ঠাইলৈ গ'লে
• মন সতেজ কৰে
• মানসিক চাপ কমায়
• সুখ বৃদ্ধি কৰে
• মানসিক বিষমুক্তকৰণৰ কাম কৰে।
(৬) আপোনাৰ প্ৰিয় সংগীত শুনক
সংগীত চিকিৎসাই নিমিষতে আপোনাৰ মেজাজ উন্নত কৰে। ই মন শান্ত কৰে। প্ৰিয় গীতে চেৰ’টনিনৰ মাত্ৰা বৃদ্ধি কৰে। ইয়াৰ ফলত মানসিক চাপ ৪০% পৰ্যন্ত হ্ৰাস পায়।
(৭) ভাল কাম কৰা – দুখীয়াক সহায় কৰা
কাৰোবাক সহায় কৰিলে “অক্সিট’চিন” হৰম’ন নিৰ্গত হয়, যাৰ ফলত সন্তুষ্টি, সুখ, শান্তি আৰু আত্মবিশ্বাস বৃদ্ধি পায়। আনৰ বাবে ভাল কাম কৰাটোৱেই হৈছে নিজৰ বাবে সুখ কঢ়িয়াই অনাৰ আটাইতকৈ বিশুদ্ধ উপায়।
(৮) কেৱল টকাৰ বাবেই চাকৰি এটা নকৰিব
যদি কামটো ভাল নালাগে আৰু বাধ্যবাধকতাৰ বাবে কৰি আছে তেন্তে লাহে লাহে মনৰ ওপৰত বোজা হৈ পৰিব। কাম কৰক নিজৰ পচন্দৰ -
ভল লগা কামে আপোনাৰ শক্তি বৃদ্ধি কৰিব, সন্তুষ্টি আনিব।
ভালপোৱা কামটো কৰাত সুখ নিহিত হৈ থাকে।
(৯) বেমাৰক আওকাণ নকৰিব – লগে লগে চিকিৎসকৰ ওচৰলৈ যাব লাগে
অসুস্থতাই শৰীৰত প্ৰদাহ বৃদ্ধি কৰে, যাৰ ফলত চেৰ’টনিন হ্ৰাস পায়। আনকি মৃদু অৱস্থাইও মনৰ ওপৰত দীৰ্ঘম্যাদী প্ৰভাৱ পেলাব পাৰে। গতিকে স্বাস্থ্যক অগ্ৰাধিকাৰ দিয়ক।
(১০) ধেমেলীয়া ভিডিঅ’ বা কমেডী চাওক
হাঁহি এটা প্ৰাকৃতিক ঔষধ। কমেডী ভিডিঅ' চাওক । ইয়াৰ ফলত এণ্ড’ৰ্ফিন, ড’পামিন, চেৰ’টনিন, তিনিওটা হ'ৰমন নিঃসৰণ কৰে। যিয়ে আপোনাক সুখী কৰি ৰাখে।
(১১) সকলোৰে লগত ভাল হওক
ভাল সম্পৰ্ক আৰু ভাল আচৰণে মানসিক শান্তি আনে। যেতিয়া আপুনি—
• আনক হাঁহি হাঁহি সম্ভাষণ জনাওক
• মৰম আৰু সন্মানেৰে কথা কওক
• আপোনাৰ মগজুৱে অক্সিট’চিন নিৰ্গত কৰে, যিয়ে আভ্যন্তৰীণ শান্তি আৰু সুখ আনে।
আপোনাৰ সুখী হৰম’ন বৃদ্ধি কৰাটো কোনো ঔষধৰ ওপৰত নিৰ্ভৰ নকৰে। আমাৰ দৈনন্দিন ৰুটিন, খাদ্যাভ্যাস, আচৰণ, চিন্তাধাৰাৰ ওপৰত ভিত্তি কৰি তৈয়াৰ কৰে। সুখী হোৱাটো কোনো কলা নহয়, বৰঞ্চ এটা অভ্যাস—যিটো আপুনি সৰু সৰু, দৈনন্দিন কামৰ জৰিয়তে কৰিব পাৰে।
