দৈনিক মুখত দৈ ঘঁহিলে পিগমেণ্টেচন আৰু ব্ৰণৰ পৰা মুক্তি পাব, মুখখন জিলিকি উঠিব।
Apurba Das
দৈ খোৱাৰ উপকাৰ আমি সকলোৱে জানো। গ্ৰীষ্ম অহাৰ লগে লগে ঠাণ্ডা দৈ, মাখন খোৱাৰ এক সুকীয়া আনন্দ। কেৱল স্বাস্থ্যৰ বাবেই নহয় ছালৰ যত্নৰ বাবেও দৈ উপকাৰী।
দৈৰ এনে বহু গুণ আছে যিয়ে আপোনাৰ মুখখনক গ্ৰীষ্মকালত ৫৫ প্ৰকাৰৰ ছালৰ সমস্যাৰ পৰা ৰক্ষা কৰে। দৈয়ে মুখখনক হাইড্ৰেটেড কৰি ৰখাই নহয়, ইয়াক মইশ্ব’ৰাইজ কৰাৰ লগতে মুখখনো গ্লোয়িং কৰি তোলে। বলীউডৰ অভিনেত্ৰীসকলেও ছালৰ যত্নত দৈ ব্যৱহাৰ কৰে।
ছালৰ যত্নত দৈ ব্যৱহাৰ কৰাৰ উপকাৰিতা আৰু ইয়াক কেনেকৈ প্ৰয়োগ কৰিব লাগে জানক -
ব্ৰণ আঁতৰে :
দৈত ভিটামিন চি থাকে যিয়ে ব্ৰণৰ সমস্যা কমায়। ইয়াৰ ফলত মুখৰ ফুলাও কমি যায়। ইয়াৰ উপৰিও ব্ৰণো সোনকালে নাইকিয়া হয়। দৈত থকা ভাল চৰ্বিয়ে মুখমণ্ডলত এন্টি এজিঙৰ দৰে কাম কৰে। মুখত লগালে বয়স বৃদ্ধি আৰু বলিৰেখা কমি যায়।
ছালৰ বাবে শ্ৰেষ্ঠ ক্লিনজাৰ :
দৈত লেক্টিক এচিড প্ৰচুৰ পৰিমাণে পোৱা যায়। যিয়ে ছালৰ গভীৰতালৈ গৈ ছালখন পৰিষ্কাৰ কৰে আৰু তাৰ পৰা মলি আঁতৰাই দিয়ে আৰু মুখখন জিলিকি উঠে। ৰ’দত পোৰা বা পিগমেণ্টেচনৰ বাবে জ্বলা ছালত দৈ প্ৰয়োগ কৰিলে গ্লো ঘূৰি আহে।
ছালে আৰ্দ্ৰতা পায় :
যিসকল লোকৰ ছাল শুকান। গ্ৰীষ্মকালত মুখত দৈ লগাব লাগে। দৈত থকা মইশ্ব’ৰাইজিং এজেণ্টে মুখখনক সম্পূৰ্ণ পুষ্টি প্ৰদান কৰে আৰু নিৰ্জীৱ আৰু শুকান মুখখন কোমল আৰু উজ্জ্বল কৰি তোলে।
কেনেকৈ প্ৰয়োগ কৰিব ?
• আপুনি আপোনাৰ ছালৰ যত্নৰ ৰুটিনত বহু ধৰণে দৈ ব্যৱহাৰ কৰিব পাৰে, যেনে - ফেচ পেকত, খাদ্যত। দৈনিক ৩/৪ চামুচ দৈ ভাতৰ লগত খাব পাৰিলে বেছি ভাল । দৈনিক মুখত দৈ লগালে মুখখন পৰিষ্কাৰ হৈ পৰে আৰু লগতে গোলাপী ৰঙৰ জিলিকনিও পায়।
• শুকান ছালৰ বাবে এটা বাটিত দুচামুচ দৈ লৈ তাত এচামুচ মৌ দিব। এই পেষ্ট বনাই মুখ আৰু ডিঙিত ভালদৰে ঘঁহি লওক।
• ইয়াৰ বাহিৰেও টেনিং আৰু ৰ’দত পোৰাৰ ফলত কলা পৰা ছালখনলৈ ৰং আনিবলৈ দৈৰ সৈতে মাকৈৰ আটা নাইবা বেচন পেষ্ট বনাই ভালদৰে মুখত লগাব লাগে। তাৰ পিছত ২০ মিনিটৰ পিছত মুখখন ধুব।
• দৈত এচিকুট হালধি দি লগালে মুখখন জিলিকি উঠে আৰু লগতে ব্ৰণ কমায়। হালধিত এন্টিবেক্টেৰিয়েল আৰু এন্টি-ইনফ্লেমেটৰী গুণ থাকে, ই মুখৰ পৰা সকলো মলি আঁতৰাই ব্ৰণৰ সমস্যা দূৰ কৰে আৰু মুখখন পৰিষ্কাৰ আৰু উজ্জ্বল কৰি ৰাখে।
