এই থলুৱা ভেকচিনে নিশ্চিতভাৱে টাইফয়েড নিৰাময় কৰিব আৰু ইয়াৰ উপৰিও আন বহু প্ৰকাৰৰ বেক্টেৰিয়াও নাইকিয়া কৰিব।
By Good Assam
টাইফয়েড ভেকচিনঃ শেহতীয়া গৱেষণাৰ ফলস্বৰূপে থলুৱা ভেকচিন প্ৰস্তুত কৰা হৈছে, যিয়ে টাইফয়েডৰ দৰে গুৰুতৰ সমস্যা নিৰাময় কৰিব পাৰে। আহক, ইয়াৰ বিষয়ে বিতংভাৱে জানো -
ভাৰতীয় গৱেষকসকলে শেহতীয়াকৈ এটা থলুৱা ভেকচিন আৱিষ্কাৰ কৰিছে যিয়ে আপোনাৰ শৰীৰত আক্ৰমণ কৰা টাইফয়েড বেক্টেৰিয়াক নিৰ্মূল কৰাৰ কাম কৰিব। ‘ছালমনেলা টাইফি’ নামৰ বেক্টেৰিয়াই আমাৰ শৰীৰত টাইফয়েড নামৰ ৰোগ সৃষ্টি কৰে। এই ৰোগ কেৱল ভাৰততে নহয় বহু দেশত স্বাস্থ্য বিভাগৰ বাবে গুৰুতৰ চিন্তাৰ বিষয় হৈয়েই আছে। এই ভয়াৱহ ৰোগৰ বিপদৰ কথা বিবেচনা কৰি ভাৰতীয় গৱেষকসকলে এনে এক ভেকচিন প্ৰস্তুত কৰিছে যিয়ে টাইফয়েড বেক্টেৰিয়াৰ লগতে আন বহুতো ক্ষতিকাৰক বেক্টেৰিয়া একেলগে নাইকিয়া কৰিব পাৰে।
কলকাতাত প্ৰস্তুত কৰা হৈছে এই ভেকচিন
এই ভেকচিন কলকাতাস্থিত নেচনেল ইনষ্টিটিউট অৱ কলেৰা এণ্ড এণ্টেৰিক ডিজিজে প্ৰস্তুত কৰিছে। যাৰ মতে এই ভেকচিনে আমাক ছালমোনেলা টাইফি আৰু ছালমোনেলা পেৰাটাইফি দুয়োটা বেক্টেৰিয়াৰ পৰা ৰক্ষা কৰিব পাৰে। কিন্তু এই ভেকচিন ব্যৱহাৰৰ পূৰ্বে ইণ্ডিয়ান কাউন্সিল অৱ মেডিকেল ৰিচাৰ্চ (আইচিএমআৰ)এ এটা ব্যক্তিগত কোম্পানীৰ সহযোগত ইয়াৰ গুণগত মান পৰীক্ষা কৰি আছে।
ভাল ফলাফল পোৱা গৈছে
বৰ্তমান ভাৰতত টাইফয়েডৰ দৰে ৰোগ প্ৰতিৰোধৰ বাবে দুটা ভিন্ন প্ৰকাৰৰ ভেকচিন আছে। ইয়াৰে এটা প্ৰস্তুত কৰিছে ভাৰত বায়’টেক কোম্পানীয়ে, যিটো কোম্পানীয়ে ২০১৭ চনত বিশ্ব স্বাস্থ্য সংস্থাৰ অনুমোদন লাভ কৰিছে। ২০২০ চনত বিশ্ব স্বাস্থ্য সংস্থাৰ অনুমোদন লাভ কৰিছে দ্বিতীয়টো ভেকচিন। শেহতীয়াকৈ প্ৰস্তুত কৰা ভেকচিন এই দুটা ভেকচিনতকৈ অধিক ফলপ্ৰসূ বুলি প্ৰমাণিত হ’ব পাৰে।
