দামী ক্ৰীমৰ সহায়ত নহয় কিচমিচৰ সহায়ত উজ্বল আৰু দাগহীন ছাল পাওক।
অপূৰ্ব দাস
আমি সকলোৱে গ্ল’য়িং আৰু দাগহীন ছাল পোৱাটো বিচাৰো। কিন্তু ইয়াৰ বাবে আমি সকলোৱে বিভিন্ন ধৰণৰ ক্ৰীম, সৌন্দৰ্য্য সামগ্ৰী বা সৌন্দৰ্য্য চিকিৎসাৰ আশ্ৰয় লওঁ। এইবোৰে সুন্দৰ ছাল প্ৰদান কৰে যদিও এই ঔষধবোৰ ছালৰ বাবে উপকাৰী বা ফ্ৰেণ্ডলী বুলি গণ্য কৰা নহয়। কেৱল এয়াই নহয়, কেতিয়াবা ইহঁতে ছালৰ বহু ক্ষতিও কৰিব পাৰে। এনে পৰিস্থিতিত ছালৰ যত্ন ল’বলৈ প্ৰাকৃতিক পদ্ধতিৰ সহায় লোৱাটো ভাল।
যদি আপুনি প্ৰাকৃতিকভাৱে গ্ল’য়িং ছাল পোৱাৰ সিদ্ধান্ত লৈছে তেন্তে কিচমিচ ব্যৱহাৰ কৰিব লাগে। কিচমিচত ফেনলিক কম্পাউণ্ড, ফ্লেভন’ইড আৰু ভিটামিন চিৰ দৰে এন্টিঅক্সিডেন্ট পোৱা যায়, যিয়ে শৰীৰৰ ফ্ৰী ৰেডিকেল নিষ্ক্ৰিয় কৰাত সহায় কৰে। ইয়াৰ ফলত আপোনাৰ ছালখন সুস্থ, উজ্জ্বল আৰু দাগহীন হৈ পৰে। কেৱল এয়াই নহয় কিচমিচত থকা ভিটামিন আৰু খনিজ পদাৰ্থই ছালৰ স্বাস্থ্যও উপকৃত কৰে।
এই পুষ্টিকৰ উপাদানসমূহে কলাজেন উৎপাদনত সহায় কৰে আৰু উজ্জ্বলতা বৃদ্ধি কৰে, যাৰ ফলত ছালখন সুস্থ আৰু কম বয়সীয়া যেন লাগে। এতিয়া যদি আপুনিও কিচমিচৰ সহায়ত জিলিকি থকা ছাল পাব বিচাৰে, তেন্তে তলত দিয়া পদ্ধতিসমূহ অনুসৰণ কৰিব পাৰে-
খাদ্য তালিকাত অন্তৰ্ভুক্ত কৰক
কিচমিচৰ দ্বাৰা গ্ল’য়িং ছাল পোৱাৰ এটা সহজ উপায় হ’ল ইয়াক আপোনাৰ খাদ্যত অন্তৰ্ভুক্ত কৰা। ইয়াক সেৱন কৰিলে কিচমিচৰ সকলো উপকাৰ পোৱা যায় আৰু ছাল আৰু স্বাস্থ্য দুয়োটাৰে উপকাৰ হয়। আপুনি ইয়াক যিদৰে আছে তেনেদৰেই খাব পাৰে বা আপোনাৰ ব্ৰেকফাষ্টত অন্তৰ্ভুক্ত কৰিব পাৰে। ইয়াৰ উপৰিও ইয়াক মিহিকৈ গুড়ি কৰি গাখীৰৰ লগতো খাব পাৰি।
কিচমিচেৰে ফেচ মাস্ক বনাওক
খাদ্যত কিচমিচ অন্তৰ্ভুক্ত কৰাৰ উপৰিও ইয়াক ছালৰ যত্নৰ ৰুটিনৰ অংশ হিচাপেও বনাব পাৰি। যেনে কিচমিচেৰে তৈয়াৰী ফেচ মাস্ক সপ্তাহত ২/৩ বাৰ ছালত লগাব পাৰে। ইয়াৰ বাবে মাত্ৰ এমুঠি কিচমিচ ৰাতি পানীত তিয়াই থৈ পিছদিনা ৰাতিপুৱা পিহি পেষ্ট বনাব লাগিব। এতিয়া প্ৰথমে মুখখন পৰিষ্কাৰ কৰি তাৰ পিছত এই পেষ্টটো চন্দনৰ হৈতে মিহলাই মুখ আৰু ডিঙিত লগাব। আপুনি ১৫-২০ মিনিটমান এনেদৰে থৈ দিয়ক । শেষত কুহুমীয়া পানীৰে মুখখন ধুব।
কিচমিচেৰে স্ক্ৰাব বনাওক
গ্ল’য়িং ছাল পাবলৈ হ’লে ইয়াক এক্সফোলিয়েট কৰাটো অতি প্ৰয়োজনীয়। ইয়াৰ ফলত ছালৰ মৃত কোষবোৰ আঁতৰোৱাই নহয়, ই আপোনাক সম টোন আৰু গ্ল’য়িং ছালও দিয়ে। ইচ্ছা কৰিলে কিচমিচৰ সহায়ত ঘৰতে বনোৱা স্ক্ৰাবও প্ৰস্তুত কৰিব পাৰে। ইয়াৰ বাবে প্ৰথমে কিচমিচখিনি তিয়াই কিছু সময় থৈ দিব। এতিয়া তাত এচামুচ মৌ আৰু এচামুচ অটমিল বা মচুৰ দাইলৰ গুড়ি মিহলাই লওক। এই স্ক্ৰাবেৰে মুখখন ধোৱাৰ আগতে কেইমিনিটমান বৃত্তাকাৰ গতিৰে মালিচ কৰক। লঘু হাতেৰে মালিচ কৰাৰ পিছত এনেদৰে প্ৰায় দহ মিনিটমান ৰাখিব। শেষত পানীৰ সহায়ত ছাল পৰিষ্কাৰ কৰক।
গতিকে এতিয়া কিচমিচক আপোনাৰ সৌন্দৰ্য্যৰ ৰুটিনৰ অংশ কৰি লওক আৰু কেইদিনমানৰ ভিতৰতে প্ৰাকৃতিকভাৱে উজ্জ্বল ছাল পাওক।
