By Good Assam
এই অস্বাস্থ্যকৰ অভ্যাসবোৰ পৰিত্যাগ কৰিলে বৃক্কৰ গুৰুতৰ ৰোগৰ পৰা হাত সাৰিব পাৰি।
বৃক্কৰ কাৰ্য্যক্ষমতাত বিঘিনি ঘটিলেও সামগ্ৰিক স্বাস্থ্যৰ ওপৰত প্ৰভাৱ পৰে। কাৰণ, আমি গোটেই দিনটো যি খাওঁ বা পান কৰোঁ, কিডনীয়ে ক্ষতিকাৰক পদাৰ্থবোৰ ফিল্টাৰ কৰি শৰীৰত পুষ্টিকৰ উপাদান যোগান ধৰাত সহায় কৰে। খাদ্যৰ লগতে কিছুমান বিষাক্ত পদাৰ্থও দৈনিক শৰীৰত উপস্থিত হয় আৰু এই বিষাক্ত পদাৰ্থ শৰীৰত জমা হ’লে বৃক্কৰ লগতে অন্যান্য অংগৰো ক্ষতি কৰিব পাৰে। যেতিয়া বৃক্কই শৰীৰৰ পৰা এই বিষাক্ত পদাৰ্থবোৰ আঁতৰাব নোৱাৰে তেতিয়া শৰীৰত ৰোগ বাঢ়িবলৈ আৰম্ভ কৰে।
নেফ্ৰ’লজিষ্ট তথা কিডনী ট্ৰান্সপ্লাণ্ট বিশেষজ্ঞ ডাঃ আছিম থাম্বাই এনে কিছুমান অভ্যাসৰ বিষয়ে কয় যিয়ে অন্যান্য ৰোগ আৰু এইবোৰৰ বাবেই বৃক্ক দুৰ্বল কৰি তুলিব পাৰে। ডাঃ অসীম থাম্বাৰ মতে যদি এই অস্বাস্থ্যকৰ অভ্যাসবোৰ পৰিত্যাগ কৰি এজন ব্যক্তিয়ে নিজৰ জীৱনশৈলী উন্নত কৰে তেন্তে বৃক্কৰ গুৰুতৰ ৰোগৰ পৰা হাত সাৰিব পাৰি।
আপোনাৰ এই অভ্যাসবোৰে আপোনাৰ বৃক্ক নষ্ট কৰিব পাৰে :
বেছিকৈ নিমখ খোৱা :
দৈনিক খাদ্যত নিমখ কম পৰিমাণে ব্যৱহাৰ কৰিব লাগে। কিন্তু, নিমখ বেছিকৈ সেৱন কৰিলে বৃক্কৰ ক্ষতি হ’ব পাৰে। নিমখ আৰু অন্যান্য সংৰক্ষক পদাৰ্থ প্ৰায়ে পেকেটত ভৰোৱা চিপচ, ফাষ্ট ফুড, জাংক ফুড আৰু চাট-পোকোডাত ব্যৱহাৰ কৰি ইয়াৰ সোৱাদ বৃদ্ধি কৰা হয়। এই অতিৰিক্ত ছডিয়ামে আপোনাৰ শৰীৰত গৈ বৃক্কৰ ক্ষতি কৰিব পাৰে।
ইউটিআই বা মুত্ৰৰ সংক্ৰমণ:
প্ৰস্ৰাৱৰ সংক্ৰমণৰ প্ৰতি গুৰুত্ব নিদিয়া আৰু চিকিৎসা নকৰিলেও বৃক্কৰ সংক্ৰমণ হ’ব পাৰে। ইয়াৰ ফলত বৃক্কৰ আভ্যন্তৰীণ গঠনৰ ক্ষতিও হ’ব পাৰে। UTI সংক্ৰমণ যৌন সম্পৰ্কৰ দ্বাৰাও ইজনৰ পৰা সিজনলৈ বিয়পে। যাৰ ফলত আগলৈ বৃক্কৰ গুৰুতৰ ৰোগত ভোগে।
মদ্যপান কৰা
অধিক পৰিমাণে মদ্যপান বা অত্যধিক পৰিমাণৰ মাদক দ্ৰব্য সেৱন কৰিলে শৰীৰত বিষাক্ত পদাৰ্থ জমা হ’য় । ইয়াৰ ফলত লিভাৰৰ ৰোগ, যকৃতৰ ক্ষতি হয়।
ধূমপান কৰা
ধূমপানৰ অভ্যাসে ৰক্তবাহী নলীৰ ক্ষতি কৰে। ইয়াৰ ফলত বৃক্কলৈ তেজৰ সোঁত কমি যায়। তেজৰ যোগান কমি যোৱাৰ বাবে বৃক্কৰ ৰোগ হোৱাৰ সম্ভাৱনা বাঢ়ি যায়।
পৰ্যাপ্ত পৰিমাণে পানী নোখোৱা
শৰীৰত পানীৰ অভাৱৰ বাবে (ডিহাইড্ৰেচনে বৃক্কৰ স্বাস্থ্যৰ ক্ষতি কৰিব পাৰে) বৃক্কৰ বাবে শৰীৰৰ পৰা বিষাক্ত পদাৰ্থ আঁতৰোৱাটো কঠিন হৈ পৰে। ইয়াৰ ফলত বৃক্কৰ ক্ষতি হব পাৰে।
ডায়েবেটিছ আৰু ৰক্তচাপ নিয়ন্ত্ৰণ নকৰা (উচ্চ বি পি আৰু উচ্চ তেজৰ চেনিৰ মাত্ৰা)
যদি উচ্চ ৰক্তশৰ্কৰাৰ মাত্ৰা আৰু উচ্চ ৰক্তচাপৰ মাত্ৰা নিয়ন্ত্ৰণহীন হৈ থাকে তেন্তে ই বৃক্কৰ ৰোগৰ সম্ভাৱনা বৃদ্ধি কৰিব পাৰে। (অনিয়ন্ত্ৰিত ডায়েবেটিছ বৃক্কৰ ৰোগৰ এটা প্ৰধান কাৰণ)
বিষনাশক ঔষধৰ অতিমাত্ৰা সেৱন
যদি আপুনি চিকিৎসকৰ পৰামৰ্শ নোলোৱাকৈ সঘনাই আৰু সোনকালে বিষনাশক ঔষধৰ অতিমাত্ৰা ব্যৱহাৰ কৰে তেন্তে ই বৃক্কৰ ক্ষতি কৰিব পাৰে।
গেছৰ টেবলেট খোৱা
দৈনিক গেষ্ট্ৰীকৰ টেবলেট খাই থাকিলেও বৃক্কৰ ক্ষতি হয়। সেয়েহে গেষ্ট্ৰীকৰ সমস্যা হ'লে ঘৰুৱা বা আয়ুৰ্বেদিক ঔষধ ব্যৱহাৰ কৰিব লাগে।
বেয়া খাদ্য
অধিক চৰ্বি, চেনি আৰু প্ৰচেছড যুক্ত খাদ্যই মেদবহুলতাৰ সৃষ্টি কৰে। অস্বাস্থ্যকৰ খাদ্যই উচ্চ বি পি লেভেল আৰু ডায়েবেটিছৰ সম্ভাৱনাও বৃদ্ধি কৰিব পাৰে। এই সকলোবোৰ কথাই বৃক্কৰ ৰোগৰ সম্ভাৱনা বৃদ্ধি কৰিব পাৰে।
ব্যায়াম নকৰা
পৰ্যাপ্ত পৰিমাণে শাৰীৰিক ব্যায়াম বা কাম নকৰা,
বহি থকা , ব্যায়াম নকৰা আৰু এলেহুৱা হ’লে বৃক্কৰ ক্ষতি হ’ব পাৰে।
