(অপূৰ্ব দাস )
গৰমৰ বতৰত তৰমুজ সকলোৱে খাই ভাল পায়। ইয়াৰ উপকাৰিতাও আছে। তৰমুজে দেহ শীতল কৰাৰ লগতে দেহৰ পানীৰ অভাৱ দূৰ কৰে। পেট গৰম হোৱা সমস্যা থাকিলে তৰমুজৰ ৰস খাব লাগে। বৃক্কৰ সমস্যা আৰু লিভাৰৰ সমস্যাত তৰমুজৰ ৰস খুবেই ভাল।
দেহত ঘামচি আৰু শালমইন থাকিলে ইয়াৰ ৰস খাব লাগে, লগতে মচুৰ দাইলৰ গুড়িৰ লগত মিহলি কৰি ছালত লগালে ঘামচি, শালমইন আৰু ৰ'দে পোৰা দাগ দূৰ হয় ।
এনেদৰে ঘৰতে প্ৰস্তুত কৰক তৰমুজৰ চৰবত:
(১) এটা তৰমুজ
(২) এটা নেমু
(৩) পুদিনাৰ পাত
(৪) চেনি ৪-৫ চামুচ
প্ৰনালী: প্ৰথমে তৰমুজৰ বাকলি আঁতৰাই মিহিকৈ কাটি মিক্সাৰ গ্ৰেণ্ডাৰত গুৰি কৰিব। এতিয়া তাৰ ৰস এখন চেকনিৰে চেকি উলিয়াব। ইয়াত নেমুৰ ৰস আৰু চেনি দিব।
সোৱাদৰ বাবে কিচমিচ বা চেৰী আদিও দিব পাৰে।
