চৰকাৰৰ পৰা সহায় নাপালে Vodafone idea বন্ধ হৈ যাব, দেউলীয়া হোৱাৰ আশংকা
By Good Assam
ঋণগ্ৰস্ত ভোডাফোন আইডিয়াই দূৰসংযোগ বিভাগক জনোৱা মতে, যদিহে চৰকাৰৰ পৰা এডজাষ্টেড গ্ৰছ ৰেভিনিউ (এজিআৰ) বাবদ ঋণ সময়ত নাপায় তেন্তে ২০২৫-২৬ বিত্তীয় বৰ্ষৰ পিছত বন্ধ হৈ যাব টেলিকোম কোম্পানী দুটা।
দেউলীয়া হোৱাৰ আশংকাও ; ২০ কোটি গ্ৰাহক ক্ষতিগ্ৰস্ত হ’ব পাৰে
ভোডা আইডিয়াই কয় যে, যদি চৰকাৰী ঋণ সহায় নাপায় আৰু কোম্পানীয়ে এজিআৰৰ বাবদ ধন পৰিশোধ কৰিব নোৱাৰে, তেন্তে কোম্পানীয়ে এনচিএলটিৰ কাষ চাপিব লাগিব আৰু এইটো এটা দীঘলীয়া প্ৰক্ৰিয়া হ’ব। এনে পৰিস্থিতিত নেটৱৰ্কৰ লগতে স্পেকট্ৰম সম্পত্তিৰ মূল্যও হ্ৰাস পাব আৰু টেলিকম সেৱা ব্যাহত হ’ব পাৰে। যদি এনে হয় তেন্তে ইয়াৰ ২০ কোটি ব্যৱহাৰকাৰী প্ৰভাৱিত হ’ব।
১৯ তাৰিখে ৩০০০ কোটি টকাৰ বাবদ ৰেহাইৰ ওপৰত শুনানি
বৃহস্পতিবাৰে উচ্চতম ন্যায়ালয়ে প্ৰায় ৩০ হাজাৰ কোটি টকাৰ এজিআৰৰ বাবদ ৰেহাই বিচৰা ভিআইএলৰ নতুন আবেদনৰ শুনানি গ্ৰহণ কৰিবলৈ সন্মত হয়। কোম্পানীটোৰ অধিবক্তা মুকুল ৰোহাটগীয়ে মুখ্য ন্যায়াধীশ বি আৰ গাভাই আৰু ন্যায়াধীশ অগাস্টিন জৰ্জ মাছিৰ বিচাৰপীঠৰ পৰা জৰুৰী শুনানিৰ বাবে অনুৰোধ জনাইছিল। ১৯ মে’ত এই আবেদনৰ শুনানি হ’ব পাৰে।
ভোডাফোন আইডিয়া লিমিটেডে ২০২৫ চনৰ ১৭ এপ্ৰিলত দূৰসংযোগ বিভাগলৈ প্ৰেৰণ কৰা পত্ৰত নতুন লাইফলাইনৰ অনুৰোধ জনাই কয় যে চৰকাৰৰ সমৰ্থন অবিহনে ইয়াৰ প্ৰত্যাৱৰ্তন অসম্ভৱ হ’ব। ভিআইএলৰ চিইঅ’ অক্ষয় মুন্দ্ৰাই টেলিকম সচিবলৈ লিখা এখন পত্ৰত কয় যে এজিআৰ সন্দৰ্ভত চৰকাৰৰ সময়োপযোগী সমৰ্থন অবিহনে কোম্পানীটোৱে ২০২৫-২৬ চনৰ পাছতো কাম কৰিব নোৱাৰিব, কিয়নো বেংকৰ পৰা ঋণ নাপালে বিনিয়োগ পৰিকল্পনা আগবঢ়াই নিব নোৱাৰিব। যদি এনেকুৱা হয়, তেন্তে কাৰ্য্যকৰী পৰিৱেশনৰ উন্নতি বন্ধ হৈ যাব। কোম্পানীটোত সৰ্বাধিক ৪৯ শতাংশ অংশীদাৰিত্ব চৰকাৰৰ। স্পেকট্ৰম চাৰ্জ আৰু এজিআৰ বাবদ ধনক ইকুইটি ষ্টেকলৈ ৰূপান্তৰিত কৰি চৰকাৰে কোম্পানীটোৰ সৰ্ববৃহৎ শ্বেয়াৰহোল্ডাৰ হৈ পৰিছে।
