লাখ লাখ WhatsApp Web ব্যৱহাৰকাৰীৰ বাবে নতুন বৈশিষ্ট্য আহিছে, এপ অবিহনে ফোন কৰিব পাৰিব
By Good Assam
যদি আপুনি WhatsApp ৰ জৰিয়তে তৎক্ষণাত বাৰ্তা প্ৰেৰণৰ বাবে ব্যৱহাৰ কৰে আৰু ৱেবত ইয়াক লগইন কৰে তেন্তে আপোনাৰ বাবে এটা ভাল খবৰ আছে। হোৱাটছএপে লাখ লাখ ব্যৱহাৰকাৰীৰ বাবে মুকলি কৰিছে এক আচৰিত ধৰণৰ বৈশিষ্ট্য। হোৱাটছএপ ৱেব ব্যৱহাৰকাৰীসকলে এপ অবিহনে ভইচ-ভিডিঅ’ কল কৰিব পাৰিব।
বিশ্বৰ ভিতৰতে সৰ্বাধিক ব্যৱহৃত ইনষ্টেণ্ট মেছেজিং এপ হৈছে হোৱাটছএপ। সমগ্ৰ বিশ্বৰ ৩.৫ বিলিয়নতকৈও অধিক লোকে নিজৰ ফোনত ইয়াক ব্যৱহাৰ কৰে। ইয়াৰ সহজ আন্তঃপৃষ্ঠ আৰু সুৰক্ষা বৈশিষ্ট্যই ইয়াক আটাইতকৈ বিশেষ কৰি তোলে। ইয়াৰ লাখ লাখ ব্যৱহাৰকাৰীৰ সুবিধাৰ্থে সময়ে সময়ে নতুন নতুন বৈশিষ্ট্যৰ প্ৰৱৰ্তন কৰা হৈছে হোৱাটছএপ। ইফালে হোৱাটছএপে আন এক আচৰিত বৈশিষ্ট্যৰ প্ৰৱৰ্তন কৰিছে।
যদি আপুনি আপোনাৰ লেপটপ বা ডেস্কটপত হোৱাটছএপ ব্যৱহাৰ কৰে তেন্তে এতিয়া আপুনি এটা ডাঙৰ সুবিধা পাব। আচলতে এতিয়ালৈকে হোৱাটছএপ ব্যৱহাৰকাৰীয়ে কেৱল নিজৰ স্মাৰ্টফোনৰ পৰাই ভইচ কল আৰু ভিডিঅ’ কল কৰিব পাৰিছিল যদিও এতিয়া কোটি কোটি হোৱাটছএপ ব্যৱহাৰকাৰীয়ে ৱেবছাইটতো এই সুবিধা লাভ কৰিব।
এতিয়ালৈকে হোৱাটছএপ ৱেবত মাথো Chat কৰাৰ হে সুবিধা উপলব্ধ আছিল যদিও ফোন কৰাৰ বাবে ব্যৱহাৰকাৰীয়ে উইণ্ড’জ বা মেক এপ ডাউনলোড কৰিবলগীয়া হৈছিল। কিন্তু এতিয়া হোৱাটছএপৰ সকলো ৱেব ইউজাৰে কোনো এপৰ সহায় নোলোৱাকৈ ডাইৰেক্ট ভইচ কলিং আৰু ভিডিঅ’ কলিং কৰিব পাৰিব। হোৱাটছএপৰ এই বৈশিষ্ট্যই কোটি কোটি ব্যৱহাৰকাৰীক যথেষ্ট সুবিধা প্ৰদান কৰিবলৈ গৈ আছে।
WABetaInfo এ এই তথ্য শ্বেয়াৰ কৰিছে :
হোৱাটছএপৰ এই নতুন বৈশিষ্ট্যৰ বিষয়ে তথ্য প্ৰদান কৰিছে কোম্পানীটোৰ আপডেট আৰু আগন্তুক বৈশিষ্ট্যসমূহৰ ওপৰত চকু ৰখা ৱেবছাইট WABetaInfo য়ে। প্ৰতিবেদন অনুসৰি হোৱাটছএপৰ এই নতুন বৈশিষ্ট্য ৱেবৰ শেহতীয়া বিটা সংস্কৰণত দেখা গৈছে। বৰ্তমান কোম্পানীটোৱে এই বৈশিষ্ট্য পৰীক্ষা কৰি আছে যদিও অতি সোনকালে ইয়াক সাধাৰণ ব্যৱহাৰকাৰীৰ বাবে মুকলি কৰা হ’ব।
নতুন ফিচাৰ ৰোল আউট হোৱাৰ পিছত হোৱাটছএপ ব্যৱহাৰকাৰীয়ে হোৱাটছএপ ৱেবত ব্ৰাউজাৰৰ পৰা পোনপটীয়াকৈ ভইচ কলিং আৰু ভিডিঅ’ কলিং কৰিব পৰাকৈ ফোন আৰু কেমেৰাৰ আইকন লাভ কৰিব। এই আইকনবোৰ সোঁফালে দেখা পাব । ৱেবত ইনষ্টেণ্ট মেছেজিং এপটো অধিক ব্যৱহাৰ কৰা ব্যৱহাৰকাৰীসকলৰ বাবে হোৱাটছএপৰ আগন্তুক বৈশিষ্ট্যটো অতি উপযোগী হ’ব।
শেহতীয়া বৈশিষ্ট্য :
(১) এতিয়া WhatsApp Status ত বিভিন্ন গান সংযোগ কৰিব পাৰিব।
(২) ষ্টেটাচত অতি শীঘ্ৰে ২ মিনিটৰ ভিডিঅ'আপলোড কৰিব পাৰিব ।
(৩) Status ত Voice, Text Emoji আদিও সংযোগ কৰিব পাৰিব।
