অত্যধিক মোবাইল, কম্পিউটাৰ চাই থকাৰ ফলত চকুৰ দৃষ্টিশক্তি ক্ষীণ হয়। চকুৰ লগতে আন কি কি সমস্যা হ'ব পাৰে পাৰে জানক
অপূৰ্ব দাস
দীৰ্ঘ সময় ধৰি মোবাইল, লেপটোপ, কম্পিউটাৰ পৰ্দা চাই থাকিলে চকুৰ দৃষ্টিশক্তিৰ ক্ষতি কৰিবলৈ আৰম্ভ কৰে। স্ক্ৰীণৰ সময় বৃদ্ধিৰ বাবে চকুৰ ক্ষতি আৰু লগতে ইয়াৰ সমাধানো আপোনাক জনাবলৈ লৈছো -
মোবাইল বা টিভিত যিকোনো প্ৰিয় চিনেমা বা অনুষ্ঠান চাই থাকোঁতে ঘণ্টা ঘণ্টা কেতিয়া পাৰ হৈ যায় তাৰ কোনো ধাৰণা আমাৰ নাথাকে। একে সময়তে অফিচত দেৰিকৈ কাম কৰাৰ বাবে স্ক্ৰীণৰ সময় বাঢ়িবলৈ আৰম্ভ কৰে। দীৰ্ঘ সময় পৰ্দা চাই থাকিলে চকু খজুৱতি, জ্বলা-পোৰা আৰু ৰঙা পৰাকে ধৰি বহু সমস্যাৰ মাজেৰে পাৰ হৈ যায়। দৰাচলতে ইয়ে কেৱল দৃষ্টিশক্তি নষ্ট কৰাই নহয় পেশীৰো ক্ষতি কৰে। কিন্তু গেজেটৰ জগতখনত নতুন প্ৰজন্ম সম্পূৰ্ণৰূপে হেৰাই গৈছে, যাৰ বাবে গেজেটৰ পৰা নিৰ্গত নীলা পোহৰে চকুৰ ক্ষতি কৰিছে। স্ক্ৰীণৰ সময় বৃদ্ধিৰ ফলত চকুৰ ক্ষতি আৰু ইয়াৰ সমাধান জানিবলৈ পঢ়িব -
নীলা পোহৰ কি ? ইয়াক দেখা পোৱা যায় নে?
ডিজিটেল ডিভাইচৰ পৰা নিৰ্গত উচ্চ শক্তিৰ দৃশ্যমান পোহৰ, যাক নীলা পোহৰ বুলিও কোৱা হয়, চকুত প্ৰৱেশ কৰি চকুৰ ক্ষতি কৰে বুলি হাৱাৰ্টন আই চেণ্টাৰে প্ৰকাশ কৰিছে। ইয়াক দেখা পোৱা নাযায়। ইয়াৰ বাবে চকুৰ সমস্যাৰ সম্ভাৱনা বৃদ্ধি পায়। ডিজিটেল আই ষ্ট্ৰেইন বা কম্পিউটাৰ ভিজন চিনড্ৰমৰ সন্মুখীন হ’বলগীয়া হয়। টেবলেট, স্মাৰ্টফোন বা টিভি বহু সময় চাই থাকিলে চকুৰ বিষ, বিৰক্তি, ড্ৰাই আই চিণ্ড্ৰম আৰু মূৰৰ বিষ, টোপনি নোহোৱা বেমাৰ হয়।
আমেৰিকান অপ্টোমেট্ৰিক এছ’চিয়েশ্যনৰ মতে নীলা পোহৰৰ সংস্পৰ্শলৈ আহিলে চকুৰ দৃষ্টিশক্তি ক্ষীণ হোৱাৰ সমস্যা বৃদ্ধি পায়। মেকুলাৰ ডিজেনেৰেচন আৰু ৰেটিনাৰ কোষৰ ক্ষতিৰ সমস্যাৰ মাজেৰে পাৰ হ’বলগীয়া হয়। দীৰ্ঘম্যাদী দৃষ্টিশক্তিৰ সমস্যাৰ পৰা হাত সাৰিবলৈ এনে পৰ্দা চোৱা কম কৰক আৰু নাইট মোড ব্যৱহাৰ কৰক।
চকুৰ ওপৰত নীলা ৰশ্মিৰ প্ৰভাৱ চকুৰ চিকিৎসকৰ পৰা জানি লওক -
১/ শুকান চকুৰ ৰোগ
এই সন্দৰ্ভত চকুৰ চিকিৎসকে কয় যে ড্ৰাই আই চিণ্ড্ৰম এটা দীৰ্ঘদিনীয়া ৰোগ, যাৰ বাবে ইয়াৰ দ্বাৰা আক্ৰান্ত ব্যক্তিজনে চকুত জ্বলা-পোৰা, ঘাঁ আৰু চেঁচা বা গৰম অনুভৱৰ অভিযোগ কৰে। ড্ৰাই আই চিনড্ৰমত চকুৰ উপৰিভাগত বেক্টেৰিয়া বাঢ়িবলৈ আৰম্ভ কৰে। পৰ্দাৰ সময় বৃদ্ধি, বতৰৰ পৰিৱৰ্তন, ধোঁৱা, ৰ’দৰ সংস্পৰ্শ আৰু গৰমৰ বাবে এই সমস্যাৰ সন্মুখীন হ’বলগীয়া হয়।
২/ ডিজিটেল চকুৰ ষ্ট্ৰেইন
ডিজিটেল স্ক্ৰীণৰ সন্মুখত বহু সময় থাকিলে চকুৰ ক্লান্তি আৰু মূৰৰ বিষৰ সম্ভাৱনা বৃদ্ধি পায়। ইয়াৰ বাহিৰেও বহু সময় পৰ্দালৈ চাই পৰ্দাত ফ’কাচ কৰাত অসুবিধাৰ সৃষ্টি হয়। চিকিৎসকৰ মতে যিসকল লোকে কামৰ সময়ত বিৰতি লোৱা নাই, তেওঁলোকৰ চকু ম্লান হ’বলৈ আৰম্ভ কৰে। এনে লোকৰ মূৰৰ বিষ, হাই প্ৰেচাৰ, টোপনি নোহোৱা বেমাৰ আদি হয়।
৩/ মাইঅ’পিয়াৰ আশংকা
কম্পিউটাৰ , টিভি বা মোবাইলৰ পৰ্দাৰ সন্মুখত ঘণ্টাৰ পিছত ঘণ্টা কটালে যিকোনো কামতে মনোনিৱেশ কৰাটো কঠিন হৈ পৰে। ইয়াৰ বাবে শিশুৰ মাইঅ’পিয়া সমস্যাৰ আশংকা বৃদ্ধি পায়। এই ৰোগ হʼলে আখৰ স্পষ্টকৈ দেখা নাপায়, সন্ধিয়া হলেই দেখা পোৱাৰ অসুবিধা হয় আৰু মূৰৰ বিষ হৈ থাকে। যিসকল পিতৃ-মাতৃয়ে মাইঅ’পিয়াত আক্ৰান্ত তেওঁলোকে অতি সোনকালে সন্তানৰ যত্ন ল’ব লাগে।
এই টিপচ্ সমূহ মানি চলক
১/ ২০ মিনিটৰ মূৰে মূৰে জিৰণি গ্ৰহণ কৰা
দৃষ্টিশক্তি সঠিকভাৱে বজাই ৰাখিবলৈ প্ৰতি ২০ মিনিটৰ মূৰে মূৰে বিৰতি লওক আৰু তাৰ পিছত ২০ ফুট দূৰত্বত ৰখা যিকোনো বস্তু ২০ ছেকেণ্ডৰ বাবে চাওক। এই কামটো কৰিলে বহু সময় উজ্জ্বল পৰ্দা এখনলৈ চাই থকাৰ পিছত চকুত সকাহ পোৱা যায়।
২/ চকুৰ পৰীক্ষা কৰাটো গুৰুত্বপূৰ্ণ
দৃষ্টিশক্তি সঠিকভাৱে বজাই ৰাখিবলৈ চকুৰ যত্ন লোৱাটো জৰুৰী। ইয়াৰ বাবে নিয়মিতভাৱে চকু পৰীক্ষা কৰক, যাতে খজুৱতি, জ্বলা-পোৰা আৰু চকুৰ ম্লান হোৱাৰ পৰা সকাহ পাব পাৰে। ইয়াৰ উপৰিও আপোনাৰ ৰুটিনত চিকিৎসকে দিয়া ধৰণে চকুৰ টোপাল ঔষধ আৰু লুব্ৰিকেণ্ট ব্যৱহাৰ কৰক।
৩/ কৰ্মক্ষেত্ৰত পোহৰৰ প্ৰয়োজন
আন্ধাৰত ডিভাইছৰ পৰ্দাৰ সন্মুখত কাম কৰিলে দৃষ্টিশক্তিৰ ওপৰত নেতিবাচক প্ৰভাৱ পৰে। ইয়াৰ ফলত চকুৰ ৰোগ বৃদ্ধি পায়, যিটো চকুৰ দৃষ্টিশক্তি ম্লান হোৱাৰ কাৰণ বুলি প্ৰমাণিত হয়। মনত ৰাখিব যে কোঠাৰ পোহৰৰ সংস্পৰ্শ ডিভাইছৰ পৰ্দাৰ পোহৰৰ সমান হ’ব লাগে।
৪/ পৰ্দাৰ পৰা দূৰত্ব বজাই ৰাখক
ফোকাচ বজাই ৰাখিবলৈ, ডিভাইছৰ পৰ্দাক ওচৰলৈ অনাৰ পৰিবৰ্তে, 1.2.10 ৰ নিয়ম গ্ৰহণ কৰক। ইয়াৰ অধীনত ফোনটো এক খোজৰ দূৰত্বত, কম্পিউটাৰ বা লেপটপটো ২ খোজৰ দূৰত্বত ৰখাটো আৰু শিশুৰ বাবে গেজেটবোৰ ১০ খোজৰ দূৰত্বত ৰখাটো গুৰুত্বপূৰ্ণ। ইয়াৰ বাবে চকুৰ স্বাস্থ্য ভাল হৈ থাকে।
৫/ চকুৰ ব্যায়াম :
প্ৰতিদিনে দিনত ৩ বাৰকৈ চকুৰ ব্যায়াম কৰা দৰকাৰ। ইয়াৰ বাবে ৫ বাৰ সোঁফালৰ পৰা চকুৰ মণি ঘূৰাই আৰু ৫ বাৰ বাওঁ ফালৰ পৰা চকু ঘূৰাই ২ মিনিট চকুৰ ব্যায়াম কৰক। এনে কৰিলে চকুৰ শিৰা বিলাকেৰে তেজ চলাচল সুন্দৰ হয় আৰু চকুৰ সমস্যা আঁতৰি থাকে লগতে মূৰৰ বিষ দূৰ হয়।
৬/ চকুৰ যত্ন এনেদৰে লওঁক :
• চকুত তিয়ঁহ কাটি সপ্তাহত ৩/৪ দিন লগাওক।
• চকু বন্ধ কৰি হাতেৰে ২/৩ মিনিট সময় ধৰি থাকক। এনেদৰে সদায় দিনত ২/৩ বাৰ কৰক।
• জাল পৰাৰ নিচিনা নাইবা ৰঙা পৰিলে চিকিৎসক দেখুৱাই পনীয়া দ্ৰব লগাওক।
• ভিটামিন A যুক্ত খাদ্য , যেনে - গাখীৰ, মাছ, মাছৰুম, পনীৰ, শামুক, পলু, কণি ইত্যাদি খাব পাৰে।
