উপবাসে জীৱন হেৰুৱাব পাৰে, গৱেষণাই দাবী কৰে যে এই মাৰাত্মক ৰোগবোৰো ৮ ঘন্টা উপবাসৰ বাবে বৃদ্ধি পায়।
By Good Assam
এটা গৱেষণাৰ প্ৰতিবেদনত প্ৰকাশ পাইছে যে উপবাসে হৃদৰোগ কৰিব পাৰে আৰু ইয়াৰ বাবে মৃত্যুৰ সম্ভাৱনা বৃদ্ধি কৰে।
মাজে মাজে উপবাস কৰাটো ওজন কমাবলৈ আৰু সুস্থ হৈ থকাৰ এক উত্তম উপায় বুলি কোৱা হয় কাৰণ যোৱা কেইবছৰমানৰ পৰা বহু চেলিব্ৰিটিয়ে মাজে মাজে উপবাসে থকাৰ সহায়ত ওজন কমাবলৈ আৰু সুন্দৰ দেহৰ অধিকাৰী হোৱাৰ দাবী কৰিছে।
কিন্তু, উপবাস মানুহৰ জীৱনৰ শত্ৰু হৈ পৰিব পাৰে। এক নতুন গৱেষণাৰ মতে, উপবাসে হৃদৰোগ বৃদ্ধি খৰে আৰু মৃত্যুৰ সম্ভাৱনাও বৃদ্ধি কৰিব পাৰে।
চিকাগোত প্ৰকাশিত এক গৱেষণাৰ প্ৰতিবেদনত প্ৰকাশ পাইছে যে দিনটোত ৮ ঘণ্টা উপবাসে থাকিলে হৃদৰোগৰ ফলত মৃত্যুৰ সম্ভাৱনা ৯১% বৃদ্ধি পাব পাৰে। চিকাগোত অনুষ্ঠিত হোৱা এ এইচ এৰ লাইফষ্টাইল চাইন্টিষ্ট চেচনত এই প্ৰতিবেদন দাখিল কৰে । একে সময়তে আমেৰিকান হাৰ্ট এছ’চিয়েচনেও এই প্ৰতিবেদনৰ সাৰাংশ দাঙি ধৰিছে।
উপবাস কি?
উপবাস কৰাটো হৈছে এক প্ৰকাৰৰ খাদ্য নাখাই পেটক জিৰণি দিয়াৰ কাম য’ত এজন ব্যক্তিয়ে ৮-১৬ ঘণ্টা একো নোকোৱাকৈ থাকে। এইদৰে তেওঁ ৮ বা ১৬ ঘণ্টাৰ পিছতহে খাদ্য খায়। এই ধৰণৰ ডায়েট প্লেন মানি চলাৰ আঁৰৰ যুক্তিটো হ’ল যেতিয়া আহাৰ খোৱাৰ মাজৰ ব্যৱধান বেছি হয়, তেতিয়া শৰীৰে কেলৰি আৰু চৰ্বি দ্ৰুতভাৱে ক্ষয় কৰে, যিয়ে ওজন হ্ৰাস কৰাত সহায় কৰে।
অক্সফৰ্ড বিশ্ববিদ্যালয়ৰ হিউমেন মেটাবলিজমৰ এমেৰিটাছ অধ্যাপক কিথ ফ্ৰেইনে ব্ৰিটেইনৰ বিজ্ঞান মিডিয়া চেণ্টাৰক দিয়া এক বিবৃতিত কয় যে এক নিৰ্দিষ্ট সময়ৰ বাবে ভোকত থকাৰ অভ্যাস মানুহৰ মাজত ওজন কমাবলৈ জনপ্ৰিয় পদ্ধতি।
প্ৰতিবেদনত তেওঁ কয় এই উপবাসে -
• স্নায়ু দুৰ্বল অৰ্থাৎ নাৰ্ভৰ সমস্যা থকা লোক সকলৰ সমস্যা আৰু দুৰ্বলতা বাঢ়ি যাব পাৰে।
• বহু সময়ৰ পিছত খোৱাৰ বাবে হঠাৎ পেটত হানি কৰিব পাৰে।
• এনে উপবাসৰ ফলত হাৰ্ট এটেকৰ সম্ভাৱনা বাঢ়ি যায়।
• ইয়াৰ ফলত কেতিয়াবা অতি হাই আৰু অতি লো ৰক্তচাপ হ'ব পাৰে আৰু উপবাসে থাকি হঠাতে খালে তেজৰ চেনিৰ মাত্ৰাও বৃদ্ধি হ’ব পাৰে।
