সঘনাই পেটৰ বিষকে ধৰি এই লক্ষণসমূহ কলন কেন্সাৰৰ লক্ষণ হ’ব পাৰে, ইয়াক আওকাণ কৰাটো বিপদ।
©️ By Good Assam
কলন কেন্সাৰ হ’লে শৰীৰত কিছুমান লক্ষণ দেখা দিবলৈ আৰম্ভ কৰে। আহক, এই লক্ষণসমূহৰ বিষয়ে বিতংভাৱে জনো -
কৰ্কট ৰোগ এবিধ মাৰাত্মক ৰোগ, যিটো শৰীৰৰ যিকোনো অংশত হ’ব পাৰে। কৰ্কট ৰোগৰ কিছুমান লক্ষণ দেখা দিয়ে। ভাৰতত বিগত দশকৰ পৰা কলন কেন্সাৰ ৰোগীৰ সংখ্যা দ্ৰুতগতিত বৃদ্ধি পাইছে। বৃহদান্ত্ৰত হোৱা এক প্ৰকাৰৰ ক’লন কেন্সাৰ। ইয়াক কলৰেক্টাল কেন্সাৰ বুলিও কোৱা হয়।
বৃহদান্ত্ৰৰ কাম হ’ল হজম হোৱা খাদ্য ক্ষুদ্ৰান্ত্ৰৰ পৰা মলদ্বাৰলৈ পৰিবহণ কৰা। সাধাৰণতে কলন কেন্সাৰ আৰম্ভ হয় সৰু সৰু কোষৰ গোট হিচাপে, যাক পলিপ বোলা হয়, যিবোৰ অন্ত্ৰৰ ভিতৰত গঠন হয়।
এই কেন্সাৰ অন্ত্ৰৰ পৰা আৰম্ভ হৈ শৰীৰৰ অন্য অংশলৈ বিয়পিবলৈ আৰম্ভ কৰে। সময়মতে চিকিৎসা নকৰিলে মাৰাত্মক পৰিস্থিতিৰ সৃষ্টি হ’ব পাৰে।
কলন কেন্সাৰৰ ক্ষেত্ৰত শৰীৰত কিছুমান লক্ষণ দেখা দিয়ে। সঠিক সময়ত এই লক্ষণসমূহ চিনাক্ত কৰি চিকিৎসা আৰম্ভ কৰি ৰোগীৰ জীৱন ৰক্ষা কৰিব পৰা যায়।
আজি এই লেখাটোত আমি আপোনালোকক ক'লন কেন্সাৰ ৰোগৰ লক্ষণসমূহৰ বিষয়ে ক'ম।
কলন কেন্সাৰৰ লক্ষণ :
সাধাৰণতে মানুহে কলন কেন্সাৰৰ লক্ষণসমূহৰ প্ৰতি গুৰুত্ব নিদিয়ে। কাৰণ ই পেটৰ বিষৰ পৰা আৰম্ভ হয়, যিটো মানুহে ইয়াক স্বাভাৱিক সমস্যা বুলি গণ্য কৰি প্ৰায়ে আওকাণ কৰে। কিন্তু অৱস্থা বেয়া হোৱাৰ লগে লগে কেন্সাৰৰ গুৰুতৰ লক্ষণ দেখা দিবলৈ আৰম্ভ কৰে। আহকচোন, কলন কেন্সাৰৰ কিছুমান প্ৰধান লক্ষণৰ বিষয়ে জনো -
• সঘনাই পেটৰ বিষ
• সৌচ কৰাৰ সময় পৰিৱৰ্তন
• সৌচত তেজ
• ডায়েৰিয়া বা কোষ্ঠকাঠিন্য হৈ থকা
• অস্পষ্টভাৱে ওজন কমি যোৱা
• ভোক কমি যোৱা
• ভাগৰ আৰু দুৰ্বলতা
কলন কেন্সাৰৰ নিদান :
কলন কেন্সাৰৰ লক্ষণ, শাৰীৰিক পৰীক্ষা, ব্যক্তিগত আৰু পাৰিবাৰিক ইতিহাসৰ ওপৰত ভিত্তি কৰি চিকিৎসকে তেজৰ পৰীক্ষা আৰু কলনস্কপিৰ পৰামৰ্শ দিয়ে। ইয়াৰ উপৰিও কলন কেন্সাৰ নিশ্চিত কৰিবলৈ চিটি স্কেন আৰু এম আৰ আই আদিৰ পৰামৰ্শ দিয়া হয়।
কলন কেন্সাৰ কেনেকৈ প্ৰতিৰোধ কৰিব পাৰি?
• খাদ্যত সেউজীয়া শাক-পাচলি, ফল-মূল আৰু গোটা শস্য অন্তৰ্ভুক্ত কৰক।
• প্ৰতিদিনে কমেও ৩০ মিনিট কিছু শাৰীৰিক ব্যায়াম কৰক।
• আটা, নিমখ, চেনি, ৰঙা মাংস, আচাৰ, তেলৰ খাদ্য, গাহৰি মাংস, হাঁহৰ মাংস, জলকীয়া, বেঙেনা , কচু আদি খাদ্য খাব নালাগে।
• ধূমপান নকৰিব আৰু মদ নাখাব।
• আপোনাৰ ওজন নিয়ন্ত্ৰণ কৰিবলৈ চেষ্টা কৰক।
কলন কেন্সাৰৰ ক্ষেত্ৰত এনে লক্ষণ শৰীৰত দেখা যায়। কিন্তু এই লক্ষণসমূহ কলন কেন্সাৰৰ হোৱাটো প্ৰয়োজনীয় নহয়। তেনে লক্ষণ দেখা দিলে লগে লগে চিকিৎসকৰ পৰামৰ্শ ল’ব লাগে যাতে ইয়াৰ সঠিক কাৰণ জানিব পৰা যায়। কোনো ঔষধ বা চিকিৎসা আৰম্ভ কৰাৰ আগতে স্বাস্থ্য বিশেষজ্ঞৰ পৰামৰ্শ নিশ্চয় লওক।
