নেকি ? এই টিপছৰ সহায়ত শিশুক মানসিকভাৱে সুস্থ কৰি ৰাখক।
অপূৰ্ব দাস
পৰীক্ষাৰ আশে-পাশে থকা সময়খিনিত শিশুৰ বাবে অতি মানসিক চাপ বৃদ্ধি হ’ব পাৰে। এই পদ্ধতিৰে শিশুৰ মনৰ পৰা পৰীক্ষাৰ ভয় আৰু মানসিক চাপ দূৰ কৰিব পৰা যায়।
প্ৰতি বছৰে শিশুৰ পৰীক্ষা ওচৰ চাপি অহাৰ লগে লগে মানসিক চাপ আৰু টেনচন অনুভৱ কৰিবলৈ আৰম্ভ কৰে।
পৰীক্ষাৰ ভয়ত বহু শিশুৱে টোপনি নাহে আৰু ভালকৈ খাব নোৱাৰে।
এনে পৰিস্থিতিত বাৰে বাৰে পঢ়া-শুনা কৰাৰ পিছতো তেওঁলোকে একো মনত ৰাখিব নোৱাৰে আৰু অশান্তি হৈ থাকে।
এই ভয়, মানসিক চাপ আৰু উদ্বেগে শিশুৰ স্বাস্থ্যৰ ওপৰত প্ৰভাৱ পেলাবলৈ আৰম্ভ কৰে। একে সময়তে ল’ৰা-ছোৱালীৰ লগতে পিতৃ-মাতৃও প্ৰায়ে পৰীক্ষাৰ মানসিক চাপৰ বলি হৈ পৰে।
পৰীক্ষাৰ সময়ত শিশু আৰু পিতৃ-মাতৃয়ে মানসিক আৰু শাৰীৰিকভাৱে সুস্থ অনুভৱ কৰাটো অতি প্ৰয়োজনীয় কাৰণ ইয়াৰ ফলত শিশুৰ পঢ়া-শুনাত প্ৰভাৱ পৰিব পাৰে।
পৰীক্ষাৰ মানসিক চাপ নিয়ন্ত্ৰণ কৰিবলৈ আপুনি কিছুমান সহজ কথা মনত ৰাখিব পাৰে আৰু আপোনাৰ শিশুটিক মানসিক চাপমুক্ত কৰি ৰখাত সহায় কৰিব পাৰে। তলত এনে কিছুমান টিপছ দিয়া হৈছে যিবোৰ সকলো শিশুৱে পৰীক্ষাৰ সময়ত মানি চলিলে লাভৱান হয়-
পৰীক্ষাৰ মানসিক চাপৰ বাবে শিশুৰ এই লক্ষণ দেখা যায় :
মানসিক চাপৰ বাবে শিশুৰ আচৰণ সলনি হ’ব পাৰে। শিশুটি হঠাৎ নিস্তব্ধ আৰু শান্ত হৈ পৰিব পাৰে।
সৰু সৰু কথাত শিশুটিয়ে কান্দিবলৈ আৰম্ভ কৰে।
অতিমাত্ৰা চিন্তা কৰা বা অত্যধিক চিন্তাত নিমগ্ন হোৱা।
ভোক কমি যোৱা।
সঠিকভাৱে টোপনি আহিব নোৱাৰা।
পৰীক্ষাৰ সময়ত ছাত্ৰ-ছাত্ৰীৰ মানসিক চাপ নিয়ন্ত্ৰণৰ টিপছ :
• অভিভাৱকসকলে নিজকে শান্ত কৰি ৰাখক
পৰীক্ষাৰ সময়ত শিশুৰ দৰে অভিভাৱকসকলেও মানসিক চাপ ল’বলৈ আৰম্ভ কৰে আৰু চিন্তিত হ’বলৈ আৰম্ভ কৰে। এনে কৰাৰ পৰা বিৰত থাকক। নিজকে শান্ত কৰি ৰাখক যাতে শিশুটিক সহায় কৰাটো আপোনাৰ বাবে সহজ হৈ পৰে। ঘৰত উত্তেজনাৰ পৰিৱেশ থাকিবলৈ নিদিব কাৰণ ইয়াৰ ফলত শিশুৰ মনোযোগ কম হ’ব পাৰে। শিশুটিৰ পচন্দৰ খোৱা-লোৱাৰ যতন লʼব। গালি-খং নকৰিব। বহুত মৰমেৰে কথা পাতিব।
• আপোনাৰ সন্তানক খেলিবলৈ প্ৰেৰণা দিয়ক
পৰীক্ষা ওচৰ চাপিছে বুলিয়েই শিশুটিয়ে দিনটো কেৱল পঢ়া উচিত নহয়। অধ্যয়নৰ লগতে শিশুটিক শাৰীৰিকভাৱে সক্ৰিয় হৈ থাকিবলৈ সহায় কৰক। লগতে পঢ়াৰ মাজত কিছু সময় খেলিবলৈ কওক। এনে কৰিলে মানসিক চাপ হ্ৰাস পাব আৰু অধ্যয়নত মনোনিৱেশ কৰাত সহায়ক হ’ব ।
• পৰীক্ষাৰ সময়ত ছাত্ৰ-ছাত্ৰীৰ খাদ্যাভ্যাস
সুষম খাদ্যই শিশুৰ মানসিক চাপ নিয়ন্ত্ৰণ কৰাত সহায় কৰিব পাৰে। শিশুটিক ঘৰতে ৰন্ধা সতেজ আৰু গৰম খাদ্য খুৱাওক। দিনে এবাৰ বা দুবাৰ ফল খাবলৈ দিব। গাখীৰ, নাৰিকল পানী আৰু আঁহযুক্ত ফল-মূল খালে শিশুটিৰ মনটো ভাল হ’ব। পঢ়াৰ সময়ত গৰম গাখীৰ আৰু মাকৈৰ পোপ কৰ্ণ খাবলৈও দিব পাৰে।
• পৰীক্ষা ভাল হʼবলৈ ভগৱানক প্ৰাৰ্থনা:
দেখা যায় যে পৰীক্ষা ভাল হʼবলৈ ভগৱানক প্ৰাৰ্থনা কৰা হʼয়। এইটো একেবাৰে ভুল ধাৰণা। কাৰণ কোনো ভগৱানে পৰীক্ষা লিখি দিবলৈ নাহে। কোৱা হয় যে মাক-দেউতাকেই শ্ৰেষ্ঠ ভগৱান। সেয়েহে মাক দেউতাকৰ কথা মানা উচিত আৰু ভক্তি কৰা উচিত। মাক-দেউতাকে এনে সময়ত সন্তানক আশিৰ্বাদ দিব লাগে। কিন্তু মন্দিৰলৈ গৈ পৰীক্ষা ভাল হওক বুলি প্ৰাৰ্থনা নকৰাই ভাল। যদিহে আশা কৰা মতে ফল নাপায় তেতিয়া ভগৱানৰ প্ৰতি বিস্বাস নোহোৱা হৈ মানসিক চাপত ভুক্তভোগী হয়। মাক-দেউতাকে শিকাই দিব লাগে যে ভাল ফলাফল কেৱল নিজৰ কঠিন কৰ্মৰ ফলতহে লাভ কৰে।
