By Good Assam || এপ্ৰিল ১৯, ২০২৫
অসম আৰু উত্তৰ ভাৰতৰ হিমালয় অঞ্চলত বিধ্বংসী ভূমিকম্প হ'ব । এক ভয়ংকৰ দাবী কৰে এক নতুন অধ্যয়নত । এই কথা প্ৰকাশ পাইছে আমেৰিকান জিঅ’ফিজিকেল ইউনিয়নত প্ৰকাশিত এটা প্ৰবন্ধত। ভূতত্ত্ববিদসকলে তেওঁলোকৰ অধ্যয়নত বিচাৰি উলিয়াইছে যে ভাৰত উপমহাদেশৰ প্লেটখন দুভাগত বিভক্ত হৈ পৃথিৱীৰ গভীৰতাত ( মেন্টল ভাগ ) ডুব গৈ আছে, যাৰ ফলত ভাৰতৰ ভূতাত্ত্বিক পৰিস্থিতি চিৰদিনৰ বাবে নতুন ৰূপ ল'ব পাৰে ।
ভাৰত উপমহাদেশৰ এই পৰিৱৰ্তনৰ ফলত হোৱা ভূমিকম্প আৰু আন বহুতো বিপদৰ বিষয়ে গুৰুত্বপূৰ্ণ তথ্য কৈছে ভূতাত্ত্বিক সকলে । প্ৰতিবেদন অনুসৰি ৬ কোটি বছৰ পূৰ্বে ইউৰেছিয়ান প্লেটৰ সৈতে সংঘৰ্ষ হোৱা ভাৰতীয় প্লেটখন এতিয়া সম্পূৰ্ণ নতুন প্ৰক্ৰিয়াৰ মাজেৰে আগবাঢ়িছে আৰু এই প্ৰক্ৰিয়াটোক "ডিলেমিনেচন" বুলি কোৱা হয়।
পৃথিৱীৰ তলত ঘটি থকা এই প্ৰক্ৰিয়াৰ বাবে এটা দীঘলীয়া ফাট মেলিছে। তিব্বতৰ ঝৰণাত ভূমিকম্পীয় তৰংগ আৰু হিলিয়াম আইছ’ট’পৰ তথ্য পোৱাৰ কথা বিজ্ঞানীসকলে প্ৰকাশ কৰিছে আৰু ভাৰতীয় প্লেটত উলম্ব ফাট দেখা পাইছে।
ডিলেমিনেচন প্ৰক্ৰিয়াই ভাৰতীয় প্লেটৰ স্থিৰতাত প্ৰভাৱ পেলাব পাৰে। ইয়াৰ বাবে ভাৰত উপদ্বীপ অঞ্চলত ভূমিকম্পৰ সম্ভাৱনা যথেষ্ট বৃদ্ধি পাব পাৰে। ষ্টেনফৰ্ড বিশ্ববিদ্যালয়ৰ ভূ-পদাৰ্থবিজ্ঞানী চাইমন ক্লেম্পাৰাৰে কয় যে হিমালয়ৰ সংঘৰ্ষ অঞ্চলৰ দৰে উচ্চ সংকোচন থকা অঞ্চলত টেকটনিক প্লেটত প্ৰায়ে ফাট দেখা যায়। ইয়াৰ ফলত ভূমিকম্পৰ আশংকা বৃদ্ধি পায়। গতিকে অসম আৰু উত্তৰ পূব অঞ্চলত ভয়ংকৰ ভূমিকম্প হ'ব পাৰে।
ইতিমধ্যে হিমালয়ৰ পাহাৰীয়া অঞ্চলটো ভূমিকম্প প্ৰৱল কাৰ্যকলাপৰ বাবে পৰিচিত। একে সময়তে ডিলেমিনেচন প্ৰক্ৰিয়াৰ জৰিয়তে এই বিপদ আৰু অধিক বৃদ্ধি পাব পাৰে। ইয়াৰ বাবেই ভাৰতৰ ভূখণ্ডত প্ৰবল আৰু ধ্বংসাত্মক ভূমিকম্পৰ আশংকা বৃদ্ধি পাব । বিশেষজ্ঞসকলে ইয়াক আগতীয়া লক্ষণ বুলি সাৱধান বাণী কৰিছে।
