কৰিশ্মা কাপুৰৰ প্ৰাক্তন স্বামী সঞ্জয় কাপুৰৰ মৃত্যু!
হৃদযন্ত্ৰৰ ক্ৰিয়া বন্ধ হৈ মৃত্যু হয়।
( অপূৰ্ব দাস )
কৰিশ্মা কাপুৰৰ প্ৰাক্তন স্বামী সঞ্জয় কাপুৰৰ মৃত্যু!
হৃদযন্ত্ৰৰ ক্ৰিয়া বন্ধ হৈ মৃত্যু হয়।
বলীউডৰ অভিনেত্ৰী কৰিশ্মা কাপুৰৰ প্ৰাক্তন স্বামী সঞ্জয় কাপুৰ এতিয়া এই পৃথিৱীত নাই। বৃহস্পতিবাৰে সন্ধিয়া সঞ্জয়ৰ মৃত্যু হয়। মৃত্যুৰ সময়ত তেওঁ ব্ৰিটেইনত আছিল আৰু প’ল’ মেচ খেলি আছিল। প’ল’ খেলি থাকোঁতে তেওঁৰ মুখত এটা মাখি সোমাইছিল, তাৰ পিছত তেওঁ হাৰ্ট এটেকত আক্ৰান্ত হৈছিল আৰু ৫৩ বছৰ বয়সত তেওঁ পৃথিৱীৰ পৰা বিদায় ল'য়।
কিছুমানে কৈছে যে COVID-19 Vaccine লোৱা বাবে এনে হৈছে আৰু মৃত্যু হৈছে।
আপুনিও সাৱধান! শৰীৰৰ প্ৰয়োজন অনুসৰি হৃদযন্ত্ৰই পৰ্যাপ্ত পৰিমাণৰ তেজ পাম্প কৰিব নোৱাৰা এক গুৰুতৰ অৱস্থা হৃদযন্ত্ৰৰ বিকলতা।
কিয় হৃদযন্ত্ৰ বিকল হয়? (মূল কাৰণ)
১/ উচ্চ ৰক্তচাপ
দীৰ্ঘদিন ধৰি উচ্চ ৰক্তচাপ থাকিলে হৃদযন্ত্ৰৰ ওপৰত চাপ পৰে, যাৰ ফলত হৃদযন্ত্ৰৰ পেশী দুৰ্বল হৈ পৰে।
২/ হাৰ্ট এটেক
ধমনীত বন্ধ হৈ গ’লে হৃদযন্ত্ৰৰ এটা অংশই অক্সিজেন নাপায়, যাৰ ফলত সেই অংশটো ক্ষতিগ্ৰস্ত হয় আৰু হৃদযন্ত্ৰৰ পাম্পিং ক্ষমতা কমি যায়।
৩/ কাৰ্ডিঅ’মাইঅ’পেথী (হৃদযন্ত্ৰৰ পেশীৰ ৰোগ)
এই অৱস্থাত হৃদযন্ত্ৰৰ পেশীবোৰ দুৰ্বল বা ডাঠ হৈ পৰে।
৪/ হৃদস্পন্দন অনিয়মিত হোৱা (Arrhythmia)
অতি দ্ৰুত বা অতি লেহেমীয়া হৃদস্পন্দনে হৃদযন্ত্ৰৰ কাম-কাজত প্ৰভাৱ পেলাব পাৰে।
৫/ ডায়েবেটিছ
চেনিৰ মাত্ৰা নিয়ন্ত্ৰণ নকৰিলে হৃদযন্ত্ৰ আৰু ৰক্তবাহী নলীৰ ক্ষতি হয়।
৬/ ধূমপান আৰু অত্যধিক মদ্যপান
এই অভ্যাসবোৰে হৃদযন্ত্ৰ আৰু ৰক্তবাহী নলীৰ ক্ষতি কৰে।
৭/ মেদবহুলতা আৰু ব্যায়ামৰ অভাৱ
ইয়াৰ ফলত হৃদযন্ত্ৰৰ ওপৰত অতিৰিক্ত চাপ পৰে, যাৰ ফলত হৃদযন্ত্ৰ দুৰ্বল হ’ব পাৰে। চৰ্বি আৰু তেলাল খাদ্য খোৱাৰ পৰা সাৱধান হ'ব। প্ৰতিদিনে ৩০ মিনিট ব্যায়াম কৰিব।
হৃদযন্ত্ৰৰ বিকলতাৰ পৰা হাত সাৰিবলৈ উপায় :
১/ সুস্থ জীৱনশৈলী গ্ৰহণ কৰক
নিয়মিত ব্যায়াম কৰক – যেনে দ্ৰুত খোজ কঢ়া, যোগাসন, চাইকেল চলোৱা ইত্যাদি।
স্বাস্থ্যসন্মত খাদ্য গ্ৰহণ কৰক – ফল-মূল, শাক-পাচলি, গোটা শস্য, কম নিমখ আৰু কম চৰ্বিযুক্ত খাদ্য।
নিমখ আৰু চেনিৰ পৰিমাণ সীমিত কৰক।
২/ নিয়মীয়াকৈ ৰক্তচাপ আৰু চেনিৰ পৰীক্ষা
যদি আপোনাৰ লো বা হাই প্ৰেচাৰ বা ডায়েবেটিছ বেছি হয় তেন্তে সময়মতে ঔষধ খাব লাগে আৰু চিকিৎসকৰ পৰামৰ্শ লৈ থাকিব।
৩/ ধূমপান আৰু মদ্যপান ত্যাগ কৰক
ধূমপান সম্পূৰ্ণৰূপে এৰি দিয়া আৰু মদৰ পৰা আঁতৰি থকাটো হৃদযন্ত্ৰৰ বাবে অতি গুৰুত্বপূৰ্ণ।
৪/ মানসিক চাপৰ পৰা আঁতৰি থাকক
মানসিক চাপৰ হৰম’নে (যেনে কৰ্টিছল) হৃদযন্ত্ৰত প্ৰভাৱ পেলাব পাৰে। ধ্যান, প্ৰাণায়াম, আৰু পৰ্যাপ্ত টোপনি সহায়ক হ’ব পাৰে।
৫/ ওজন নিয়ন্ত্ৰণ কৰা
মেদবহুলতা হৃদৰোগৰ এটা প্ৰধান কাৰণ। স্বাভাৱিক বিএমআই বজাই ৰাখক।
৬/ নিয়মীয়াকৈ স্বাস্থ্য পৰীক্ষা
প্ৰতি ৬-১২ মাহৰ মূৰে মূৰে ইচিজি, লিপিড প্ৰফাইল, আৰু ইকোকাৰ্ডিঅ’গ্ৰাফীৰ পৰীক্ষা কৰক।
৭/ নিয়মিতভাৱে ঔষধ সেৱন কৰিব লাগে
যদি আপোনাৰ চিকিৎসকে হৃদযন্ত্ৰৰ কোনো ঔষধ প্ৰেছক্ৰিপচন কৰিছে তেন্তে চিকিৎসকৰ পৰামৰ্শমতে ঔষধ গ্ৰহণ কৰক আৰু নিজাববীয়াকৈ বন্ধ নকৰিব।
• বিশেষ লক্ষণ যিবোৰক আওকাণ কৰিব নালাগে:
• উশাহ-নিশাহ লোৱাত অসুবিধা
• ভৰি বা ভৰিৰ গোৰোহা ফুলা
• সোনকালে ভাগৰুৱা হৈ পৰা
• মূৰ ঘূৰাই দিয়া বা চকুৰে আন্ধাৰ দেখা
• বুকুত চাপ বা বিষ
• বমি বমি লগা ইত্যাদি।
যদি আপুনি এনে কোনো লক্ষণ লক্ষ্য অনুভৱ কৰে তেন্তে লগে লগে চিকিৎসকৰ সৈতে যোগাযোগ কৰক।
হৃদযন্ত্ৰৰ বিকলতা এটা জীৱন সংকটজনক কিন্তু প্ৰতিৰোধযোগ্য ৰোগ। যদি আপুনি আপোনাৰ জীৱনশৈলী উন্নত কৰে, নিয়মীয়াকৈ পৰীক্ষা-নিৰীক্ষা কৰে আৰু সময়মতে চিকিৎসা গ্ৰহণ কৰে তেন্তে আপুনি দীৰ্ঘদিনলৈ সুস্থ জীৱন যাপন কৰিব পাৰিব।
