ইনষ্টাগ্ৰাম ১.৩৫ লাখ একাউণ্ট আঁতৰালে। আপোনাৰো আঁতৰ কৰিব পাৰে।
By Good Assam
শেহতীয়াকৈ ইনষ্টাগ্ৰামত প্ৰায় ১.৩৫ লাখ একাউণ্ট ডিলিট কৰিছে আৰু ইয়াৰ কাৰণ অতি গুৰুতৰ। ইনষ্টাগ্ৰামৰ মূল কোম্পানী মেটাই কয় যে এই একাউণ্টসমূহে শিশুৰ হৈ প্ৰাপ্তবয়স্ক লোকে চলোৱা একাউণ্টৰ পৰা আপত্তিজনক মন্তব্য বা যৌন বিষয়বস্তুৰ দাবী কৰিছিল। সহজ ভাষাত ক’বলৈ গ’লে এই একাউণ্টবোৰে শিশুসকলক লক্ষ্য কৰি লৈছিল।
আটাইতকৈ ডাঙৰ চাফাই অভিযান :
কেৱল এয়াই নহয় মেটাই ইনষ্টাগ্ৰাম আৰু ফেচবুকত আৰু প্ৰায় ৫ লাখ একাউণ্টো আঁতৰাই পেলাইছে যিবোৰ এই অপৰাধীসকলৰ সৈতে জড়িত আছিল। ছ’চিয়েল মিডিয়া প্লেটফৰ্মৰ ইতিহাসৰ অন্যতম বৃহৎ "ক্লিন-আপ অপাৰেচন" বুলি গণ্য কৰা হয়।
হঠাৎ এই কঠোৰতা কিয়?
যোৱা কেইমাহমানত ছ’চিয়েল মিডিয়া প্লেটফৰ্মত শিশু আৰু কিশোৰ-কিশোৰীৰ সুৰক্ষাৰ ক্ষেত্ৰত হেঁচা বৃদ্ধি পাইছে। বিশেষকৈ আমেৰিকাত সাংসদসকলে ইনষ্টাগ্ৰামৰ দৰে এপসমূহৰ ওপৰত অহৰহ প্ৰশ্ন উত্থাপন কৰি আহিছে যে এই প্লেটফৰ্মসমূহ নিচাযুক্ত দ্ৰব্যই ব্যৱহাৰ , যৌনতা মূলক দৃশ্য, চাইবাৰ বুলিং, গ্ৰুমিং, আৰু অবাস্তৱ সৌন্দৰ্য্যৰ মানদণ্ডৰ বাবে শিশুৰ বাবেও মানসিকভাৱে ক্ষতিকাৰক বুলি প্ৰমাণিত হৈছে।
মেটাৰ নতুন পদক্ষেপ :
মেটাই এতিয়া নতুন ডিফল্ট ছিকিউৰিটি ছেটিং ৰোল আউট কৰিবলৈ আৰম্ভ কৰিছে, যিটো কিশোৰ-কিশোৰী আৰু শিশুৱে পৰিচালনা কৰা একাউণ্টৰ ক্ষেত্ৰত প্ৰযোজ্য হ’ব। ইয়াৰ অধীনত অচিনাকি মানুহৰ বাৰ্তা সীমিত হ’ব, আপত্তিজনক আৰু অশ্লীল বাৰ্তা স্বয়ংক্ৰিয়ভাৱে ব্লক হ’ব, এইটো এটা সৰু পদক্ষেপ, কিন্তু গুৰুত্বপূৰ্ণ ,
যাতে কিশোৰ-কিশোৰীসকলে ছ’চিয়েল মিডিয়াত অলপ বেছি নিৰাপত্তা লাভ কৰিব পাৰে।
আমেৰিকাৰ নতুন আইনখনে মেটাক সলনি কৰিবনে?
আমেৰিকাত কিডছ অনলাইন ছেফটি এক্ট (কোছা) প্ৰৱৰ্তন কৰা হয়, য’ত এই ধৰণৰ নিৰাপত্তা ব্যৱস্থাক আইনগতভাৱে বাধ্যতামূলক কৰিবলৈ চেষ্টা কৰা হৈছে। যোৱা বছৰ ছিনেটত এই বিধেয়কখন গৃহীত হৈছিল যদিও সদনত গৃহীত হোৱাত ব্যৰ্থ হৈছিল। এই বছৰ ইয়াক পুনৰ প্ৰৱৰ্তন কৰা হৈছে, আৰু বিশ্বাস কৰা হৈছে যে মেটাৰ এই নতুন পদক্ষেপ আগন্তুক নিয়মৰ প্ৰস্তুতিৰ অংশ হ’ব পাৰে।
।
