পাকঘৰত ৰখা এই মছলাটোৱে লেহত জমা হোৱা কলেষ্টেৰল গলাই আঁতৰাই পেলাব, মাত্ৰ এনেদৰে ব্যৱহাৰ কৰক
অপূৰ্ব দাস
পাকঘৰত ৰখা কিছুমান মছলা শৰীৰত বৃদ্ধি পোৱা বেয়া কলেষ্টেৰলৰ মাত্ৰা হ্ৰাস কৰাত উপকাৰী বুলি প্ৰমাণিত হ’ব পাৰে। আহকচোন, তেনে এটা বিশেষ মছলাৰ বিষয়ে জনাও -
আজিকালি ভুল খাদ্যাভ্যাস আৰু বেয়া জীৱনশৈলীৰ বাবে মানুহ বহুতো দীৰ্ঘদিনীয়া ৰোগৰ বলি হৈছে। ইয়াৰ ভিতৰত উচ্চ কলেষ্টেৰলৰ সমস্যাও আছে। আচলতে আমাৰ শৰীৰত দুবিধ কলেষ্টেৰল পোৱা যায়, এটা ভাল কলেষ্টেৰল আৰু আনটো বেয়া কলেষ্টেৰল।
শৰীৰত বেয়া কলেষ্টেৰলৰ মাত্ৰা বৃদ্ধি হ’লে দেহ আৰু সিৰা বা ধমনীত জমা হৈ পৰে। ইয়াৰ বাবে উচ্চ ৰক্তচাপ, হাৰ্ট এটেক, ষ্ট্ৰোক আদি গুৰুতৰ ৰোগৰ আশংকা বৃদ্ধি পায়। এনে পৰিস্থিতিত শৰীৰত কলেষ্টেৰলৰ মাত্ৰা নিয়ন্ত্ৰণ কৰাটো অতি প্ৰয়োজনীয়। ঔষধ আৰু উপযুক্ত খাদ্যাভ্যাসৰ সহায়ত উচ্চ কলেষ্টেৰল নিয়ন্ত্ৰণত সহায় কৰিব পাৰে। ইয়াৰ উপৰিও কিছুমান ঘৰুৱা উপায়েও কলেষ্টেৰল হ্ৰাস কৰাত সহায় কৰিব পাৰে। পাকঘৰত ৰখা কিছুমান মছলায়ে শৰীৰত কলেষ্টেৰলৰ মাত্ৰা নিয়ন্ত্ৰণ কৰাত সহায় কৰিব পাৰে। এই মছলাবোৰৰ ভিতৰত দালচেনিও অন্তৰ্ভুক্ত। হয়, ডালচেনি সেৱনে কলেষ্টেৰল নিয়ন্ত্ৰণত বহু পৰিমাণে সহায় কৰিব পাৰে। গতিকে আহক, কলেষ্টেৰল নিয়ন্ত্ৰণত ডালচেনি কেনেকৈ উপকাৰী আৰু ইয়াক কেনেকৈ সেৱন কৰিব লাগে জানো-
ডালচেনিয়ে কেনেকৈ কলেষ্টেৰল হ্ৰাস কৰিব পাৰে জানো আহক-
সকলৰে ঘৰত মছলা হিচাপে দালচেনি ব্যৱহাৰ কৰা হয়। ই কেৱল খাদ্যৰ সোৱাদ বৃদ্ধি কৰাই নহয় স্বাস্থ্যৰ বাবেও বহু উপকাৰো লাভ কৰে। ইয়াত প্ৰচুৰ পৰিমাণে এন্টিঅক্সিডেন্ট থাকে, যিয়ে শৰীৰৰ বেয়া কলেষ্টেৰলৰ মাত্ৰা হ্ৰাস কৰে আৰু ভাল কলেষ্টেৰলৰ মাত্ৰা বৃদ্ধি কৰাত সহায় কৰে। ইয়াৰ সেৱনে শৰীৰত বেয়া কলেষ্টেৰল, এল ডি এল কলেষ্টেৰল আৰু ট্ৰাইগ্লিচাৰাইডৰ মাত্ৰা হ্ৰাস কৰাত সহায় কৰে। ইয়াৰ উপৰিও শৰীৰ ফুলা কমোৱাতো ই ফলপ্ৰসূ।
কলেষ্টেৰল কম কৰিবলৈ দালচেনি কেনেকৈ সেৱন কৰিব?
ডালচেনি চাহ সেৱন কৰি শৰীৰৰ কলেষ্টেৰলৰ মাত্ৰা হ্ৰাস কৰিব পাৰে। ইয়াৰ বাবে চচপেনত এগিলাচ পানী গৰম কৰক। তাত দুটুকুৰা দালচেনি বা দালচেনিৰ গুৰি এচামুচ দি ৫ মিনিটমান উতলাব।
তাৰ পিছত চেকি লৈ তাত অলপ মৌ আৰু নেমুৰ ৰস ৩/৪ চামুচ দি সেৱন কৰক। পুৱা খালি পেটত ইয়াৰ নিয়মীয়া সেৱনে বেয়া কলেষ্টেৰল হ্ৰাস কৰাত সহায় কৰিব। তদুপৰি তেজৰ চেনিৰ মাত্ৰা আৰু ওজন নিয়ন্ত্ৰণত যথেষ্ট উপকাৰ পোৱা যাব।
