By Good Assam
যদি আপুনি এজন এণ্ড্ৰইড স্মাৰ্টফোন ব্যৱহাৰকাৰী তেন্তে এই খবৰটো পঢ়ি আপুনি অলপ হতাশ অনুভৱ কৰিব পাৰে। আচলতে গুগলৰ এটা সিদ্ধান্তৰ বাবে কোটি কোটি পুৰণি স্মাৰ্টফোন বেকাৰ হ’বলৈ গৈ আছে। গুগলে ইয়াৰ কিছুমান পুৰণি এণ্ড্ৰইড সংস্কৰণত সুৰক্ষা আপডেট সমৰ্থন কৰা বন্ধ কৰিবলৈ ওলাইছে। যদি আপুনি এণ্ড্ৰইড ১২ বা 12 L অপাৰেটিং চিষ্টেম চলাই আছে, তেন্তে আপোনাৰ বাবে এটা ডাঙৰ আৰু গুৰুত্বপূৰ্ণ খবৰ আছে। গুগলে এই সংস্কৰণসমূহৰ সুৰক্ষাৰ আপডেট প্ৰদান কৰা বন্ধ কৰি দিছে। অৰ্থাৎ এতিয়া আপোনাৰ স্মাৰ্টফোনৰ নিৰাপত্তা বিপদত পৰিছে আৰু ই হেকাৰৰ বাবে সহজ টাৰ্গেট হ’ব পাৰে। লগতে বিভিন্ন এপ ডাউনলোড কৰাটো অসমৰ্থ হ'ব কাৰণ Security নাথাকিব।
গুগলে কিয় এই সিদ্ধান্ত ল’লে?
গুগলে মাত্ৰ কেইবছৰমানৰ বাবে প্ৰতিটো এণ্ড্ৰইড সংস্কৰণৰ আপডেট সমৰ্থন প্ৰদান কৰে। সাধাৰণতে এই সময়সীমা ৩ৰ পৰা ৪ বছৰ। এণ্ড্ৰইড ১২ আৰু 12 L বা ইয়াৰ তলৰ এণ্ড্ৰইড অপাৰেটিং চিষ্টেম সমূহত এতিয়া এই সীমা অতিক্ৰম কৰিছে, গতিকে গুগলে এতিয়া এই সংস্কৰণসমূহৰ বাবে সুৰক্ষা আপডেট প্ৰেৰণ কৰা বন্ধ কৰি দিছে।
কি প্ৰভাৱ পৰিব ?
ছিকিউৰিটি আপডেট বন্ধ কৰাৰ অৰ্থ হ’ল ফোনটোৰ সুৰক্ষা কমি যাব।
ফোনত বাগ ( ভাইৰাছ) বৃদ্ধি হ’ব , যাৰ ফলত ইয়াৰ পাৰফৰমেন্স লেহেমীয়া হ’ব পাৰে।
আপোনাৰ ডাটা, পাছৱৰ্ড, বেংকিং এপ আৰু অনলাইন পেমেণ্ট এতিয়া বিপদত পৰিব পাৰে।
হেকাৰে পুৰণি অপাৰেটিং চিষ্টেমক লক্ষ্য কৰি ল’বলৈ ভাল পায় কাৰণ ইয়াত সুৰক্ষাৰ অভাৱ হ'ব।
কিছুমান এপ্লিকেচন ডাউনলোড কৰিব নোৱাৰিব , কাৰণ Security নথকাৰ বাবে।
আপোনাৰ সংস্কৰণ পৰীক্ষা কৰক :
যদি আপুনি এণ্ড্ৰইড ১২ বা ১২এলত চলি থকা ফোন ব্যৱহাৰ কৰিছে, তেন্তে এতিয়াই সতৰ্ক হওক। আপোনাৰ ডিভাইচ আৰু নতুন আপডেইটৰ বাবে যোগ্য নহ'বও পাৰে।
ব্যৱহাৰকাৰীৰ ডিভাইচ সুৰক্ষিত ৰখাৰ বাবে গুগলে প্ৰতিমাহে ছিকিউৰিটি আপডেট প্ৰেৰণ কৰে। এই আপডেটসমূহে ফোনটোক ভাইৰাছ, মেলৱেৰ আৰু অন্যান্য চাইবাৰ ভাবুকিৰ পৰা ৰক্ষা কৰে। যদি আপডেটসমূহ গ্ৰহণ কৰা নহয়, ডিভাইচটো ক্ৰমান্বয়ে দুৰ্বল হৈ পৰে আৰু আপোনাৰ ব্যক্তিগত তথ্য বিপদত পৰে।
