আজি একাদশী বৃহস্পতিবাৰ, সন্ধিয়া এই পদ্ধতিৰে ভগৱান বিষ্ণুক পূজা কৰক, বিবাহিত জীৱনৰ লগতে ধনৰ সমস্যাবোৰ নাইকিয়া হ'ব।
( অপূৰ্ব দাস )
সনাতন ধৰ্মত বৃহস্পতিবাৰৰ দিনটোৰ পূজাৰ বিশেষ তাৎপৰ্য আছে, কাৰণ ভগৱান বিষ্ণুৰ আশীৰ্বাদ পোৱাৰ দিন। তাতেই যদি বৃহস্পতিবাৰৰ দিনটোত একাদশী হয় তেতিয়া আৰু অধিক পূজাৰ ফল লাভ কৰে।
বিশ্বাস কৰা হয় যে একাদশীৰ বৃহস্পতিবাৰে ঈশ্বৰৰ পূজা কৰিলে ভক্তৰ সকলো ইচ্ছা পূৰণ হয় আৰু তেওঁ সকলো পাপৰ পৰা মুক্ত হয়।
জ্যোতিষত বৃহস্পতিবাৰক দেৱগুৰু বৃহস্পতিৰ সৈতে সম্পৰ্কিত বুলি ধৰা হয়। কোৱা হয় যে বৃহস্পতিবাৰে পূজা, আবৃত্তি, যজ্ঞ, দান-বৰঙণি আৰু অন্যান্য শুভ কাম কৰিলে দেৱগুৰু বৃহস্পতিৰ স্থিতি জন্ম কুণ্ডলীত শক্তিশালী হয়।
যদি জন্ম কুণ্ডলীত বৃহস্পতি শক্তিশালী হয়, তেন্তে সাধকৰ বিবাহত থকা বাধাবোৰ দূৰ হয়, কাৰণ দেৱগুৰু বৃহস্পতি হৈছে বৈবাহিক সুখৰ বাবে দায়বদ্ধ গ্ৰহ।
এনে পৰিস্থিতিত বৃহস্পতিবাৰে সন্ধিয়া যথাযথ ৰীতি-নীতিৰে ভগৱান বিষ্ণুক পূজা কৰিলে আৰ্থিক সমস্যা, ব্যৱসায়ৰ ক্ষতি আৰু চাকৰিৰ লগত জড়িত সমস্যা দূৰ কৰাৰ লগতে বৈবাহিক সমস্যাও দূৰ হয় , বিবাহিত জীৱনটোও সুখী হৈ পৰে। এই দিনটোৰ সম্পূৰ্ণ পূজা পদ্ধতিৰ বিষয়ে জনাও আহক -
একাদশী বৃহস্পতিবাৰৰ পূজা বিধি :
(১) বৃহস্পতিবাৰে পূজা কৰাৰ আগতে গা ধুই পৰিষ্কাৰ হালধীয়া কাপোৰ পিন্ধিব লাগে।
(২) ইয়াৰ পিছত গোটেই ঘৰতে গংগা পানী ছটিয়াই দিব।
(৩) তাৰ পিছত শ্ৰী হৰি বিষ্ণুৰ মূৰ্তি বা ফটো পূজাস্থলীত স্থাপন কৰি ভগৱানক হালধীয়া বস্ত্ৰ অৰ্পণ কৰক।
(৪) হালধীয়া ফুলৰ মালা, তুলসী পাত তিনি খন আৰু কিছুমান ফুল আগবঢ়াওক।
(৫) এতিয়া ভগৱানক গোটা চাউল আৰু কল অৰ্পণ কৰক।
তাৰ পিছত বিশুদ্ধ দেশী ঘিউৰ দীপ জ্বলাব।
(৬) ইয়াৰ পিছত ভগৱান বিষ্ণুৰ সহস্ৰানামৰ আবৃত্তি কৰক
শেষত আৰতি কৰক।
(৭) সম্ভৱ হ'লে আৰ্তজনক দান কৰক।
(৮) বিষ্ণু গায়ত্ৰী মন্ত্ৰ ২১ বা ১০৮ বাৰ উচ্চাৰণ কৰক -
ওম শ্ৰী বিষ্ণুৱে চ বিদ্মহে বাসুদেৱায় ধীমহি। তন্নো বিষ্ণু: প্ৰচোদয়ত।
(৯) শ্ৰী বিষ্ণু মন্ত্ৰ উচ্চাৰণ কৰিব ( ২১ বা ১০৮ বাৰ )
ঔম নম ভগৱতে বাসুদেৱায় নম:
নাইবা
মংগলম ভগৱান বিষ্ণু,
মংগলম গৰুণধ্বজ।
মংগলম পুন্দ্ৰি কক্ষ: ,
মঙলয় তনো হৰি: ||
(১০) ইয়াৰ পিছত গুৰু বৃহস্পতিক প্ৰণাম কৰি মন্ত্ৰ উচ্চাৰণ কৰিব (২১ বা ১০৮ বাৰ )
"ঔম শ্ৰীগুৰু বৃহস্পতিয়ে নম:"
শেষত কল, আপেল আৰু মিঠা প্ৰসাদ বিতৰণ কৰিব ।
