By Good Assam
আমাৰ খাদ্য কেনেকুৱা হ’ব লাগে, নন-ভেজ নে ভেজ?
এই বিষয়ে বহুদিন ধৰি চৰ্চা চলি আহিছে। বিভিন্ন অধ্যয়নৰ সিদ্ধান্ত বেলেগ বেলেগ। কিছুমান গৱেষণাৰ পৰা দেখা গৈছে যে উদ্ভিদ ভিত্তিক খাদ্য স্বাস্থ্যৰ বাবে বিশেষভাৱে উপকাৰী , আনহাতে আন কিছুমানে আইৰণ আৰু প্ৰটিনৰ প্ৰয়োজনীয়তা পূৰণ কৰিবলৈ পশু ভিত্তিক খাদ্য গ্ৰহণ কৰাৰ পৰামৰ্শ দিয়ে।
যদি আপোনাৰ মনতো এই প্ৰশ্নটো আছে যে সুস্বাস্থ্য বজাই ৰাখিবলৈ কি খাব লাগে- নন-ভেজ নে ভেজ ? তেন্তে ইয়াৰ উত্তৰ শেহতীয়াকৈ কৰা এক অধ্যয়নত পোৱা গৈছে।
গৱেষকৰ এটা দলে এই অধ্যয়নত কয় যে নিৰামিষ খাদ্য অৰ্থাৎ উদ্ভিদ ভিত্তিক খাদ্য খোৱাটো সুস্বাস্থ্যৰ বাবে অধিক উপকাৰী । কুকুৰা, ছাগলী বা আন জীৱ-জন্তুৰ মাংসৰ ওপৰত ভিত্তি কৰি খাদ্য গ্ৰহণ কৰাটো স্বাস্থ্যৰ বাবে বহু দিশত ক্ষতিকাৰক বুলি শেহতীয়া অধ্যয়নত পোহৰলৈ আহিছে। কেৱল এয়াই নহয়, বেছিকৈ গো মাংস , গাহৰি বা ব্ৰইলাৰ খালে কেন্সাৰ হোৱাৰ সম্ভাৱনা বৃদ্ধি পায় বুলিও সতৰ্কবাণী দিছে।
বেছিকৈ গো মাংস , গাহৰি আৰু ব্ৰইলাৰ খোৱাৰ ফলত গেষ্ট্ৰাইটিছ কেন্সাৰ হ’ব পাৰে :
ইটালীৰ নেশ্যনেল ইনষ্টিটিউট অৱ গেষ্ট্ৰ’এণ্টেৰ’লজীৰ গৱেষকৰ এটা দলে নিয়মিতভাৱে গো মাংস , গাহৰি আৰু ব্ৰইলাৰ খোৱা আৰু পাচনতন্ত্ৰৰ কৰ্কট ৰোগৰ মাজত এক সম্পৰ্ক উন্মোচন কৰিছে।
নিউট্ৰিয়েণ্টছ জাৰ্নেলত প্ৰকাশিত এই প্ৰতিবেদনত বিশেষজ্ঞসকলে কয় যে যদিও অন্য মাংসৰ তুলনাত ঘৰুৱা কুকুৰা খোৱাটো উপকাৰী বুলি গণ্য কৰিছে, কিন্তু যদি আপুনি সঘনাই গো মাংস , গাহৰি আৰু ব্ৰইলাৰ খায় তেন্তে ই স্বাস্থ্যৰ বাবে ক্ষতিকাৰক । ইয়াৰ ফলত পেটৰ কৰ্কট ৰোগৰ সম্ভাৱনা বৃদ্ধি পায়।
বিশেষজ্ঞৰ দলটোৱে ২০ বছৰৰ ভিতৰত ইটালীত বাস কৰা ৪৮৬৯ জন প্ৰাপ্তবয়স্কৰ স্বাস্থ্যৰ তথ্য বিশ্লেষণ কৰে। গৱেষকসকলে প্ৰকাশ কৰিছে যে প্ৰতি সপ্তাহত ৩০০ গ্ৰামতকৈ অধিক হাঁহ-কুকুৰা , গো মাংস , গাহৰি আৰু ব্ৰইলাৰ খোৱা লোকসকলৰ গেষ্ট্ৰাইটিছ কেন্সাৰ আৰু ইয়াৰ ফলত অকাল মৃত্যুৰ সম্ভাৱনা বেছি।
পূৰ্বৰ গৱেষণাৰ পৰা দেখা গৈছে যে গো মাংস , গাহৰি মাংস আৰু ব্ৰইলাৰ মাংস খোৱাতকৈ ঘৰুৱা কুকুৰা খোৱাটো স্বাস্থ্যকৰ কাৰণ ইয়াৰ ফলত হৃদৰোগ আৰু কিছুমান বিশেষ ধৰণৰ কেন্সাৰ হোৱাৰ সম্ভাৱনা কম হয়। কিন্তু এতিয়া এই শেহতীয়া গৱেষণাই দেখুৱাইছে যে যদি আপুনি নিয়মিতভাৱে মাংস খায় তেন্তে ই মাৰাত্মক কেন্সাৰৰ লগতে লিভাৰ-বৃক্কৰ সমস্যা, হৃদযন্ত্ৰ আৰু অগ্নাশয় ৰোগৰ সম্ভাৱনা বৃদ্ধি কৰে।
এই গৱেষণাৰ সময়ত অংশগ্ৰহণকাৰীসকলে তেওঁলোকৰ খাদ্যাভ্যাসৰ বিষয়ে প্ৰশ্নাৱলী পূৰণ কৰিছিল। চিকিৎসা ইতিহাস আৰু আঞ্চলিক তথ্যকোষ ব্যৱহাৰ কৰি তেওঁলোকৰ স্বাস্থ্যৰ অৱস্থাৰ মূল্যায়ন কৰা হৈছিল। গৱেষকসকলে চোৱা এটা কাৰক আছিল যে অংশগ্ৰহণকাৰীসকলে কিমান সঘনাই মাংস খাইছিল।
এই ভিত্তিত দুটা গোটত বিভক্ত লোকৰ ওপৰত কৰা এক অধ্যয়নত দেখা গৈছে যে যিসকলে অধিক মাংস সেৱন কৰে তেওঁলোকৰ ভৱিষ্যতে কেন্সাৰৰ লগতে লিভাৰ-বৃক্ক আৰু অগ্নাশয়ৰ ৰোগ হোৱাৰ সম্ভাৱনা অধিক দেখা গৈছে।
গৱেষকসকলে কি কয় ?
গৱেষকসকলে কয় যে এই অধ্যয়নৰ তথ্যই সতৰ্ক কৰি তুলিছে যদিও ইয়াক অধিক বিশদভাৱে বুজিবলৈ আৰু অধিক গৱেষণা কৰিব। বিশেষকৈ মেদবহুলতা, ডায়েবেটিচ, হৃদয় ৰোগ, হাইপ্ৰেচাৰ আৰু আৰমত থকা লোক সকলৰ বাবে অতি ক্ষতিকাৰক।
