( অপূৰ্ব দাস )
বাস্তু শাস্ত্ৰ হৈছে এক প্ৰাচীন স্থাপত্য ব্যৱস্থা, যিয়ে আমাৰ জীৱনত যথেষ্ট প্ৰভাৱ পেলায়। বাস্তুৰ নিয়মসমূহ মূলতঃ পৰিৱেশত শক্তিৰ প্ৰবাহৰ ভাৰসাম্য ৰক্ষাৰ ওপৰত ভিত্তি কৰি গঢ় লৈ উঠিছে। ঘৰ নিৰ্মাণৰ সময়ত বা ঘৰত যিকোনো বস্তু ৰখাৰ আগতে যদি বাস্তুৰ নিয়মবোৰ মনত ৰখা হয়, তেন্তে ই এক ইতিবাচক পৰিৱেশৰ সৃষ্টি কৰে, যাৰ সহায়ত ইতিবাচকতাও আমাৰ জীৱনত আহে।
আমাৰ জীৱনত ৰঙৰ অপৰিসীম গুৰুত্ব আছে। প্ৰতিটো ৰঙে আমাৰ আৱেগ, চিন্তা আৰু আচৰণত প্ৰভাৱ পেলায়। প্ৰতিটো ৰঙৰ অৰ্থ আৰু প্ৰভাৱো বেলেগ বেলেগ, যিয়ে আমাক বিভিন্ন ধৰণে প্ৰভাৱিত কৰে। সেয়ে বাস্তু শাস্ত্ৰত ৰং সন্দৰ্ভতো কিছু নিয়ম প্ৰণয়ন কৰা হৈছে। আমাৰ ঘৰৰ কোনটো অংশ কোনটো ৰঙৰ হ’ব লাগে সেই সম্পৰ্কীয় নিয়মবোৰো বাস্তু শাস্ত্ৰত দিয়া হৈছে। এনে পৰিস্থিতিত শিশুৰ অধ্যয়ন কক্ষত কি ৰং থাকিব লাগে আজি আপোনাক জনাম যিয়ে সিহঁতৰ বুদ্ধিমত্তা আৰু আচৰণৰ বিকাশত সহায় কৰিব পাৰে।
শিশুসকলক পঢ়া-শুনাৰ বাবে এটা ভাল পৰিৱেশৰ ব্যৱস্থা কৰাটো অতি প্ৰয়োজনীয়। যদি আপুনিও আপোনাৰ সন্তানে পঢ়া-শুনাত ভাল ফলাফল দেখুৱাব বিচাৰে, তেন্তে ইয়াৰ বাবে আপুনি কিছুমান বাস্তুৰ নিয়ম মনত ৰাখিব লাগিব। আচলতে ল’ৰা-ছোৱালীক পঢ়া-শুনা কৰিবলৈ ভাল ঠাই লাগে, য’ত ইফালে সিফালে বিচলিত নোহোৱাকৈ কেৱল পঢ়া-শুনাতহে মনোনিৱেশ কৰিব পাৰে। বাস্তুৰ মতে শিশুৰ অধ্যয়ন কক্ষৰ ৰঙেও সিহঁতৰ বুদ্ধিমত্তা আৰু আচৰণ বিকশিত কৰাত গুৰুত্বপূৰ্ণ ভূমিকা পালন কৰে। এনে পৰিস্থিতিত আপুনিও মনত ৰাখিব লাগে যে অধ্যয়ন কক্ষৰ ৰংও সেই অনুসৰি হ’ব লাগে। কেৱল অধ্যয়ন কক্ষত ভাল কিতাপ ৰাখিলেই শিশুটিয়ে ভালকৈ পঢ়িব পাৰিব বুলি ধৰিব নোৱাৰি।
• বাস্তু শাস্ত্ৰৰ মতে শিশুৰ অধ্যয়ন কক্ষত সদায় পাতল ৰঙেৰে ৰং কৰা উচিত। ইয়াৰ বাবে পাতল সেউজীয়া, পাতল নীলা বা পাতল হালধীয়া ৰং শুভ বুলি ধৰা হয়। এই সকলোবোৰ ৰং লʼৰা-ছোৱালীৰ ৰুমৰ বাবে উপযোগী, যাৰ ফলত শিশুৰ একাগ্ৰতা বৃদ্ধি পায়।
• শিশুৰ কোঠাত থকা এই পাতল ৰঙে সিহঁতৰ মনটো শান্ত কৰি ৰখাত আৰু অধ্যয়নত মনোনিৱেশ কৰাত সহায় কৰে। সেউজীয়া ৰং প্ৰজ্ঞাৰ দেৱতা গণেশ আৰু স্বৰস্বতী মাতাৰ লগত জড়িত বুলি ধৰা হয়। হালধীয়া ৰং শিক্ষা আৰু জ্ঞানৰ বাবে উপযোগী, সেয়েহে এই ৰং শিশুৰ কোঠাৰ বাবে অতি উপযুক্ত বুলি বিবেচিত হয়।
• শিশুটিৰ অধ্যয়ন কক্ষটো এনেদৰে সাজিব লাগে যাতে শিশুটিৰ মুখখন পঢ়াৰ সময়ত উত্তৰ-পূব দিশৰ ফালে থাকে। বাস্তু শাস্ত্ৰৰ মতে কিতাপ দক্ষিণ-পশ্চিম দিশত পঢ়া হ'লে ৰাখিব লাগে।
• উত্তৰ-পূব দিশ : এই দিশটোক দেৱ দিশ বুলি গণ্য কৰা হয়, যিয়ে জ্ঞান আৰু একাগ্ৰতা বৃদ্ধি কৰে। এই দিশত বহি থাকি যদি শিশুৱে পঢ়ে, তেন্তে সিহঁতে পঢ়া-শুনাত অধিক মনোনিৱেশ কৰি থাকে আৰু কথাবোৰ সোনকালে মনত পেলাব পাৰে বুলি বাস্তু শাস্ত্ৰত উল্লেখ আছে।
• অন্যান্য দিশসমূহ : যদি উত্তৰ-পূব দিশত অধ্যয়ন কক্ষ বনোৱা সম্ভৱ নহয়, তেন্তে পূব বা উত্তৰ দিশটোও ভাল বুলি গণ্য কৰা হয়।
• মনত ৰাখিব লগা কথাবোৰ -
অধ্যয়ন টেবুলৰ দিশ: অধ্যয়নৰ টেবুলখন এনেদৰে ৰাখক যাতে শিশুটিৰ মুখখন পূৱ বা উত্তৰ দিশৰ ফালে থাকে।
কিতাপ আৰু কাগজ: কিতাপ আৰু কাগজ পঢ়া হ'লে দক্ষিণ-পশ্চিম দিশত ৰাখিব লাগে।
খোলা আলমাৰী নাৰাখিব : অধ্যয়ন কক্ষত আলমাৰীৰ শ্বেলফ খোলা ৰাখিব নালাগে।
কোঠাটোত দিনৰ ভাগত পোহৰ পৰা হ'ব লাগে আৰু শান্ত কৰি ৰাখিব। কোঠাটোৰ ওচৰত নিম গছ আৰু বগা আৰু হালধীয়া ফুলৰ গছ ৰোপণ কৰক।
