কালাই বা খেছাৰী দাইলৰ স্বাস্থ্য উপকাৰীতা। ডায়েবেটিচ, কষ্ঠকাঠিন্য, মেদবহুলতা, হৃদৰোগ দূৰ কৰে।
( অপূৰ্ব দাস )
ভাৰতত দালিক প্ৰটিনৰ প্ৰধান উৎস বুলি গণ্য কৰা হয়। প্ৰত্যেক ঘৰৰ খাদ্যৰ এক গুৰুত্বপূৰ্ণ অংগ দালি। ইয়াৰে এবিধ হৈছে খেছাৰী দাইল, যাক লেথাইৰাছ চেটিভাছ বুলিও কোৱা হয়। খেছাৰী বা কলাই দালি কেৱল সোৱাদতেই নহয়, স্বাস্থ্যৰ বাবেও ই অতি উপকাৰী। ইয়াত প্ৰচুৰ পৰিমাণে প্ৰটিন, আঁহ, আইৰণ, কাৰ্বহাইড্ৰেট আৰু প্ৰয়োজনীয় খনিজ পদাৰ্থ থাকে। পাপড় তৈয়াৰ কৰিবলৈও ইয়াৰ দাইল ব্যৱহাৰ কৰে, কাৰণ হজম শক্তি উন্নত কৰে।
কিন্তু পূর্বে খেছাৰী দালিৰ বিষয়ে কিছু ভুল ধাৰণা আছিল যে ইয়াৰ অত্যধিক সেৱনে স্বাস্থ্যৰ ওপৰত বেয়া প্রভাৱ পেলাব পাৰে, কিন্তু আজিৰ বৈজ্ঞানিক গৱেষণাই প্রমাণ কৰিছে যে সীমিত পৰিমাণত খেছাৰী দালি সেৱন কৰিলে আৰু সঠিকভাৱে ৰান্ধিলে ই শৰীৰৰ বাবে অতি উপকাৰী।
বিতংভাৱে জানিবলৈ পঢ়িব খেছাৰী বা কালাই দাইলৰ স্বাস্থ্য উপকাৰীতা কি কি:
(১) কোষ্ঠকাঠিন্য দূৰ কৰে
খেছাৰী দালিত অতি বেছি পৰিমাণৰ আঁহ থাকে, যিয়ে পেট পৰিষ্কাৰ কৰি ৰখাত সহায় কৰে। নিয়মিতভাৱে খেছাৰী দালি খোৱা লোকসকলে কোষ্ঠকাঠিন্য, গেছ, বা পেট ফুলাৰ দৰে সমস্যাৰ পৰা সকাহ পায়। ই পাচনতন্ত্ৰ শক্তিশালী কৰাৰ লগতে অন্ত্ৰ পৰিষ্কাৰ কৰাত সহায় কৰে।
ঘৰুৱা প্ৰতিকাৰ: খেছাৰী দালি ৰাতি তিয়াই ৰাতিপুৱা লাহে লাহে সিজাই খাব লাগে, ইয়াৰ দ্বাৰা পেট ভালদৰে পৰিষ্কাৰ হয়।
(২) ই প্ৰটিনৰ ভাল উৎস
খেছাৰী দালিত প্ৰতি ১০০ গ্ৰামত প্ৰায় ২৫-৩০ গ্ৰাম প্ৰটিন থাকে। যিসকলে নিৰামিষ খাদ্য খায় তেওঁলোকৰ বাবে ই আদৰ্শ। শৰীৰৰ পেশীৰ বিকাশ, শক্তিশালী হৈ থাকিবলৈ আৰু হাড় শক্তিশালী কৰাত ই অতি সহায়ক।
বিশেষকৈ বডি বিল্ডিং, জিমলৈ যোৱা আৰু ওজন বৃদ্ধি কৰিব বিচৰাসকলৰ বাবে খেছাৰী দালি উপকাৰী।
(৩) গেষ্ট্ৰিক আৰু বদহজমৰ সমস্যাত উপশম
খেছাৰী দাইলে পাচন প্ৰক্ৰিয়া মসৃণ কৰি তোলে। ই পাচনতন্ত্ৰৰ ৰসৰ নিঃসৰণক উদ্দীপিত কৰে, যিয়ে খাদ্য সহজে হজম কৰাত সহায় কৰে আৰু পেট পৰিষ্কাৰ কৰি ৰাখে। ই গেছ, বদহজম, গধুৰতা আৰু জ্বলা-পোৰা আদি সমস্যাৰ পৰা সকাহ দিয়ে।
খেছাৰী দালিত কিছু চৰ্বি থাকে আৰু অধিক আঁহযুক্ত, যাৰ ফলত পেটটো দীৰ্ঘসময় ধৰি ভৰি থাকে। ইয়াৰ ফলত ভোক পুনৰাবৃত্তি হোৱাত বাধা দিয়ে আৰু কেলৰিৰ পৰিমাণ সীমিত হয়, যিয়ে ওজন কমাবলৈ সহায় কৰে। ডায়েটিং কৰি থকা লোকসকলে ইয়াক নিজৰ খাদ্য তালিকাত অন্তৰ্ভুক্ত কৰিব পাৰে।
(৫) আইৰণ আৰু খনিজ পদাৰ্থৰে সমৃদ্ধ
খেছাৰী দালিত আইৰণ, জিংক, মেগনেছিয়াম আৰু ফছফৰাছ আদি খনিজ পদাৰ্থ থাকে যিয়ে শৰীৰক অত্যাৱশ্যকীয় পুষ্টি প্ৰদান কৰে। ই হিম’গ্লবিন বৃদ্ধিত সহায় কৰে আৰু ৰক্তহীনতাৰ বিৰুদ্ধে যুঁজ দিয়াত সহায় কৰে।
মহিলা আৰু কিশোৰীয়ে নিয়মিতভাৱে ইয়াক সেৱন কৰিব লাগে, কিয়নো তেওঁলোকৰ মাজত আইৰণৰ অভাৱ হোৱা দেখা যায়।
(৬) ডায়েবেটিছ ৰোগীৰ বাবে উপকাৰী
ইয়াত কাৰ্বহাইড্ৰেটৰ পৰিমাণ কম আৰু আঁহ বেছি থাকে, যিয়ে তেজৰ চেনিৰ মাত্ৰা নিয়ন্ত্ৰণ কৰাত সহায় কৰে। ডায়েবেটিছ ৰোগীয়ে নিয়মীয়া খাদ্য তালিকাত ইয়াক অন্তৰ্ভুক্ত কৰিব পাৰে। এই দাইল খাব পাৰে।
গ্লাইচেমিক ইনডেক্স কম হোৱাৰ বাবে ডায়েবেটিচ ৰোগীয়ে খাব পাৰে।
(৭) হাড় মজবুত কৰে
খেছাৰী দালিত কেলচিয়াম আৰু ফছফৰাছ থাকে, যিয়ে হাড় মজবুত কৰে। বৰ্ধিত বয়সৰ লোকে এই দালি খাব লাগে কাৰণ ই অষ্টিঅ’পৰ’ছিছ (হাড় দুৰ্বল হোৱা) প্ৰতিৰোধ কৰে।
(৮) ৰোগ প্ৰতিৰোধ ক্ষমতা শক্তিশালী কৰে
প্ৰটিন, আইৰণ আৰু ভিটামিনৰ সমৃদ্ধ উপস্থিতিৰ বাবে খেছাৰী দাইলে শৰীৰৰ ৰোগ প্ৰতিৰোধ ক্ষমতা বৃদ্ধি কৰে। ই শৰীৰক সংক্ৰমণৰ বিৰুদ্ধে যুঁজিবলৈ শক্তি প্ৰদান কৰে।
(৯) হৃদযন্ত্ৰৰ স্বাস্থ্যৰ বাবে উপকাৰী
এই দালিত কলেষ্টেৰল নাথাকে, আৰু ই হৃদযন্ত্ৰৰ ধমনী পৰিষ্কাৰ কৰি ৰখাত সহায় কৰে। ইয়াৰ ফলত উচ্চ ৰক্তচাপ আৰু হৃদৰোগৰ সম্ভাৱনা হ্ৰাস পায়।
(১০) ছাল আৰু চুলিৰ বাবে উপকাৰী
খেছাৰী দাইলত উপস্থিত থকা প্ৰটিন আৰু খনিজ পদাৰ্থই শৰীৰক ভিতৰৰ পৰা পুষ্টি দি ছালখনক উজ্জ্বল কৰি তোলে। শুকান ছাল, বলিৰেখা, চুলি সৰা সমস্যা দূৰ কৰাত সহায় কৰে।
যদি আপুনি প্ৰাকৃতিক সৌন্দৰ্য্য বিচাৰে তেন্তে নিশ্চিতভাৱে খেছাৰী দালিক খাদ্য তালিকাত অন্তৰ্ভুক্ত কৰক।
(১১) সস্তীয়া আৰু সুলভ দাইল
সাধাৰণতে আন দালিতকৈ খেছাৰী দালি সস্তা আৰু গ্ৰামাঞ্চলত প্ৰচুৰ পৰিমাণে পোৱা যায়। অৰ্থনৈতিকভাৱে দুৰ্বল লোকৰ বাবে ই পুষ্টিৰ এক উৎকৃষ্ট বিকল্প।
• সদায় ব্যৱহাৰ নকৰিব। সপ্তাহত ২ বা ৩ দিন ব্যৱহাৰ কৰিব।
• ৰাতি তিয়াই থৈ দিব তাৰ পিছত পুৱা ভালদৰে ধুই হে ৰান্ধি খাব।
খেছাৰী দালি সুষম পৰিমাণত খালে ই এক আচৰিত প্ৰাকৃতিক ঔষধৰ দৰে কাম কৰে। ই কেৱল ভিতৰৰ পৰা শৰীৰক শক্তিশালী কৰাই নহয়, বহুতো গুৰুতৰ ৰোগৰ পৰাও ৰক্ষা কৰে। সস্তীয়া, সুলভ আৰু পুষ্টিকৰ হোৱাৰ বাবে নিশ্চিতভাৱে ইয়াক আপোনাৰ দৈনন্দিন খাদ্য তালিকাত অন্তৰ্ভুক্ত কৰক।
সুস্থ হৈ থাকক, সুষম খাদ্য গ্ৰহণ কৰক আৰু প্ৰকৃতিয়ে দিয়া সুবিধা লাভ কৰক যিবোৰ বহুমূলীয়া খাদ্য নোহোৱা হৈ গৈছে সেইবোৰক সন্মান কৰক।
