কম অক্সালেট খাদ্যই বৃক্কত পাথৰ হোৱাৰ সম্ভাৱনা কম কৰে, কোনবোৰ বস্তু খাদ্যত অন্তৰ্ভুক্ত কৰিব লাগে জানিবলৈ পঢ়িব।
( অপূৰ্ব দাস )
আজিৰ সময়ত এজন ব্যক্তিৰ ব্যস্ত জীৱনত নিজৰ বাবে সময় নাথাকে। ইয়াৰ বাবেই এজন ব্যক্তিয়ে বৃক্ক আৰু হজম শক্তিৰ লগত জড়িত বহু সমস্যাৰ সন্মুখীন হ’বলগীয়া হয়। আজিকালি বৃক্কৰ পাথৰ এটা সাধাৰণ সমস্যাত পৰিণত হৈছে, যাৰ ফলত লাখ লাখ লোকৰ প্ৰভাৱ পৰিছে। বৃক্কত খনিজ পদাৰ্থ আৰু এনজাইম জমা হৈ সৰু সৰু কঠিন স্ফটিক গঠন হ’লে এনে হয়। এই শিলৰ বেছিভাগতে কেলচিয়াম অক্সালেট পোৱা যায়। এই কাৰণেই চিকিৎসকে বৃক্কত পাথৰ গঠন হোৱাৰ সম্ভাৱনা কম কৰিবলৈ প্ৰায়ে কম অক্সালেট খাদ্য গ্ৰহণ কৰিবলৈ পৰামৰ্শ দিয়ে। এই লেখাটোত জানিবলৈ পাব কম অক্সালেট কোনবোৰ খাদ্য।
অক্সালেট কি ?
অক্সালেট বহু ধৰণৰ খাদ্যত পোৱা প্ৰাকৃতিক যৌগ। ই শৰীৰত থকা কেলচিয়ামৰ সৈতে মিলি অদ্ৰৱণীয় কেলচিয়াম অক্সালেট গঠন কৰে, যিটো বৃক্কত পাথৰ হোৱাৰ প্ৰধান কাৰণ। যেতিয়া শৰীৰত অক্সালেটৰ পৰিমাণ বেছি থাকে আৰু পানী পৰ্যাপ্ত নহয় তেতিয়া ই বৃক্কত স্ফটিক গঠন কৰিব পাৰে, যাৰ ফলত পাথৰ গঠন হোৱাৰ সম্ভাৱনা বৃদ্ধি পায়। এই কাৰণেই চিকিৎসক আৰু ডায়েটচিয়ানে এজন ব্যক্তিক কম অক্সালেট খাদ্য গ্ৰহণ কৰিবলৈ পৰামৰ্শ দিয়ে। কম অক্সালেট খাদ্যৰ উদ্দেশ্য হৈছে শৰীৰত অক্সালেটৰ পৰিমাণ কমোৱা আৰু বৃক্কত পাথৰ গঠন হোৱাৰ সম্ভাৱনা কম কৰা।
• অক্সালেট সমৃদ্ধ খাদ্য গ্ৰহণ কমাই দিলে কেলচিয়াম অক্সালেট ষ্টোন হোৱাৰ সম্ভাৱনা হ্ৰাস পাব পাৰে।
• কম অক্সালেটযুক্ত খাদ্যই বৃক্কত কম কষ্ট দিয়ে, যাৰ ফলত বৃক্কই ভালদৰে কাম কৰিব পাৰে।
• অক্সালেটৰ পৰিমাণ বেছি হ’লে কেতিয়াবা পাচনতন্ত্ৰৰ সমস্যা হ’ব পাৰে। ইয়াক সীমিত কৰিলে হজম শক্তি উন্নত হ’য়।
• অক্সালেটে আইৰণ আৰু কেলচিয়ামৰ দৰে প্ৰয়োজনীয় পুষ্টিকৰ পদাৰ্থ শোষণত বাধাৰ সৃষ্টি কৰিব পাৰে। সেৱন কম কৰিলে শৰীৰে এই পুষ্টিকৰ উপাদানসমূহ সঠিকভাৱে শোষণ কৰাত সহায় কৰিব পাৰে।
কম অক্সালেট থকা খাদ্য:
ফল: আপেল, কল, আঙুৰ, তৰমুজ, নাৰিকল, বগৰী,নাচপতি ইত্যাদি।
শাক-পাচলি: ফুলকবি, বন্ধাকবি, মূলা, লাই শাক, পুৰৈ শাক, লেচেৰা, বীন, মটৰ, জীকা, অমিতা ইত্যাদি।
প্ৰটিন: কণীৰ বগা অংশ, কুকুৰা, মাছ, দৈ,বাদাম, নাৰিকল
শস্য : উহোৱা চাউল, ঘেঁহু, যৱ, বাজৰা
পানীয়: নাৰিকল পানী, বনৌষধি চাহ, লেমনেড (চেনি নোহোৱাকৈ)
উচ্চ অক্সালেট খাদ্য :
পালেং শাক, বুট, চয়াবীন, ৰিফাইন তেল, গাহৰি মাংস, কণীৰ কুহুম, তেলাল খাদ্য, চৰ্বি যুক্ত খাদ্য, গাখীৰৰ পৰা প্ৰস্তুত খাদ্য, এৱা গাখীৰ, পনীৰ, পেকেটৰ খাদ্য, মৈদাৰ খাদ্য, চেনী ইত্যাদি।
যিসকলে পূৰ্বে এই সমস্যাত ভুগিছে তেওঁলোকৰ বাবে কম অক্সালেট খাদ্যই বৃক্কত পাথৰ হোৱাৰ সম্ভাৱনা হ্ৰাস কৰাত সহায় কৰিব পাৰে। সুষম খাদ্য, পৰ্যাপ্ত পৰিমাণৰ পানী সেৱনে হজম শক্তি উন্নত কৰিব পাৰে আৰু বৃক্কৰ ওপৰত চাপ হ্ৰাস কৰিব পাৰে। কিন্তু, যিকোনো ধৰণৰ খাদ্য গ্ৰহণ কৰাৰ আগতে চিকিৎসক আৰু ডায়েটিচিয়ানৰ পৰামৰ্শ ল’ব লাগে।
