বতৰ আৰু সময়ৰ লগে লগে ভাইৰাছে নিজেই আকৃতি আৰু শক্তি সলনি কৰে, গৱেষকসকলে ৫৭৮টা ভাইৰাছৰ জিন আৱিষ্কাৰ কৰে
By Good Assam
আই আই টি মাদ্ৰাজ, ইউনিভাৰ্চিটি অৱ উইচকনচিন-মেডিচন আৰু ইউনিভাৰ্চিটি অৱ টেক্সাছৰ বিজ্ঞানীসকলে আন্তঃৰাষ্ট্ৰীয় গৱেষণা চলাইছিল, হ্ৰদত থকা সাধাৰণ পানীৰ ভাইৰাছৰ ওপৰত গুৰুত্ব আৰোপ কৰা হৈছিল।
ইণ্ডিয়ান ইনষ্টিটিউট অৱ টেকন’লজি (আই আই টি) মাদ্ৰাজৰ এক নতুন গৱেষণাৰ মতে বতৰ, সময় আৰু পৰিবেশৰ পৰিবৰ্তন অনুযায়ী ভাইৰাছৰ গঠন , শক্তি এক নিৰ্দিষ্ট আৰ্হিত পৰিবৰ্তন হয়। গৱেষকজনে ২০ বছৰতকৈও অধিক সময় আমেৰিকাৰ হ্ৰদৰ পৰা লোৱা ৪৬৫ টা নমুনাৰ ওপৰত গৱেষণা কৰি মেচিন লাৰ্নিং ব্যৱহাৰ কৰি ১৩ লাখ ভাইৰাছৰ জিনম নিৰিক্ষণ কৰিছিল আৰু ইয়াৰ পৰা পোৱা তথ্যৰ ভিত্তিত এই সিদ্ধান্ত লৈছিল।
অধ্যয়নটো কেনেকৈ কৰা হৈছিল?
আই আই টি মাদ্ৰাজ, ইউনিভাৰ্চিটি অৱ উইচকনচিন-মেডিচন আৰু ইউনিভাৰ্চিটি অৱ টেক্সাছৰ বিজ্ঞানীসকলে আন্তঃৰাষ্ট্ৰীয় গৱেষণা চলাইছিল, য’ত সাধাৰণ পানীৰ হ্ৰদত থকা ভাইৰাছৰ ওপৰত গুৰুত্ব আৰোপ কৰা হৈছিল। এই গৱেষণাত বিজ্ঞানীসকলে ২০ বছৰতকৈও অধিক সময়ৰ ভিতৰত আমেৰিকাৰ উইচকনচিনৰ হ্ৰদৰ পৰা সংগ্ৰহ কৰা ৪৬৫ টা নমুনাৰ ওপৰত গৱেষণা কৰিছিল ।
পৃথিৱীৰ প্ৰাকৃতিক পৰিৱেশত উপস্থিত ভাইৰাছৰ ওপৰত ডি এন এ ভিত্তিক গৱেষণাৰ এইটোৱেই আটাইতকৈ দীঘলীয়া গৱেষণা। তেওঁলোকে মেটাজিনমিক্স নামৰ কৌশল ব্যৱহাৰ কৰি হ্ৰদৰ নমুনাত উপস্থিত থকা সকলো ডি এন এ বিশ্লেষণ কৰি মেচিন লাৰ্নিঙৰ সহায়ত ১৩ লাখ ভাইৰাছৰ জিনম পুণৰ নিৰ্মাণ কৰিছিল।
ঋতুৰ লগে লগে ভাইৰাছ সলনি হয় :
এই গৱেষণাই গৱেষকসকলক ঋতুৰ লগে লগে, দশক দশক ধৰি দীৰ্ঘদিন ধৰি আৰু পৰিৱেশৰ পৰিৱৰ্তন অনুসৰি ভাইৰাছে কেনেকৈ নিজকে সলনি কৰে সেই বিষয়ে জানিবলৈ দিয়ে । নেচাৰ মাইক্ৰ’বায়’লজী আলোচনীত প্ৰকাশিত এক গৱেষণা পত্ৰত গৱেষকসকলে কয় যে, "ঋতুৰ লগে লগে ভাইৰাছ সলনি হয়। ইয়াৰে বহুতেই বছৰৰ পিছত বছৰ ধৰি পুনৰ আবিৰ্ভাৱ হয়। বহু ভাইৰাছ প্ৰতি বছৰে এটা নিৰ্দিষ্ট সময়ত পুনৰ আবিৰ্ভাৱ হয়, যাৰ ফলত ইয়াৰ আৱিৰ্ভাৱ হ'ল বুলি ধাৰণা কৰা হয়। "
তেওঁলোকে কয়, "ভাইৰাছে নিজৰ পৰিয়ালৰ পৰা শক্তিশালী জিন 'চুৰি' কৰি নিজৰ সুবিধাৰ বাবে ব্যৱহাৰ কৰিব পাৰে। ভাইৰাছে বিৱৰ্তনৰ প্ৰক্ৰিয়াৰ মাজেৰে পাৰ হয় আৰু সময়ৰ লগে লগে প্ৰাকৃতিক নিৰ্বাচন প্ৰক্ৰিয়াত কিছুমান জিন অধিক ফলপ্ৰসূ হিচাপে ওলাই আহে।"
গৱেষকসকলে এনে ৫৭৮ টা ভাইৰাছৰ জিন আৱিষ্কাৰ কৰে
গৱেষণাৰ পৰা জানিব পৰা গৈছে যে ভাইৰাছে কেৱল ৰোগ বিয়পাই দিয়াই নহয়, প্ৰকৃতিৰ বাবেও উপকাৰী। আন জীৱৰ বাবেও ইহঁত সহায়ক। গৱেষকসকলে এনেধৰণৰ ৫৭৮ টা ভাইৰাছৰ জিন আৱিষ্কাৰ কৰে যিয়ে সালোক সংশ্লেষণ (উদ্ভিদে খাদ্য তৈয়াৰ কৰাৰ প্ৰক্ৰিয়া) আৰু মিথেন ব্যৱহাৰৰ দৰে গুৰুত্বপূৰ্ণ কামত সহায় কৰে। এই ভাইৰাছবোৰে প্ৰাকৃতিক ব্যৱস্থা সুস্থ আৰু সুস্থিৰ কৰি ৰখাত অৰিহণা যোগায়।
আই আই টি মাদ্ৰাজৰ অতিথি অধ্যাপক ডাঃ কাৰ্তিক অনন্তৰমণে কয়, "কোভিড-১৯ মহামাৰীয়ে আমাক দেখুৱাই দিলে যে ভাইৰাছক অনুসৰণ কৰাটো কিমান গুৰুত্বপূৰ্ণ। ভাইৰাছৰ উৎপত্তি কেনেকৈ হয়, ই কেনেকৈ পৰিৱৰ্তন হয় আৰু ইহঁতে নিজৰ পৰিৱেশৰ সৈতে কেনেদৰে ক্ৰিয়া কৰে সেই বিষয়ে বুজি পোৱাটো গুৰুত্বপূৰ্ণ। এইটো কেৱল মহামাৰীৰ সৈতে যুঁজ কৰাই নহয়, প্ৰকৃতিত ভাইৰাছে কিমান গুৰুত্বপূৰ্ণ ভূমিকা পালন কৰে সেই বিষয়েও জনাটো গুৰুত্বপূৰ্ণ। ইয়াৰ উপৰিও সাধাৰণ পানীৰ হ্ৰদত থকা ভাইৰাছৰ ওপৰত গৱেষণাই আমাক জলসম্পদ, প্ৰাকৃতিক পৰিৱেশ, মানুহৰ স্বাস্থ্য ভালদৰে পৰিচালনা কৰাত সহায় কৰিব পাৰে। এই গৱেষণাই পৰিৱেশৰ ভাৰসাম্য পুনৰুদ্ধাৰৰ নতুন উপায়ৰ পৰামৰ্শ দিয়ে, যেনে প্ৰদূষিত হ্ৰদসমূহ সুস্থ কৰিবলৈ ভাইৰাছ ব্যৱহাৰ কৰা।
