গৰমৰ দিনত কি কি খাদ্য খোৱা উচিত নহয়? প্ৰতিদিনে আধা ঘণ্টা খোজ কাঢ়িলে স্বাস্থ্যৰ ওপৰত কি প্ৰভাৱ পৰে?
( অপূৰ্ব দাস )
গ্ৰীষ্মকালত স্বাস্থ্য বজাই ৰাখিবলৈ সঠিক খাদ্যাভ্যাস আৰু ৰুটিন অতি প্ৰয়োজনীয়। তলত তথ্য দিয়া হৈছে:
গ্ৰীষ্মকালত কি খাব নালাগে?
গ্ৰীষ্মকালত শৰীৰত পানীৰ অভাৱ সোনকালে হয় আৰু হজম শক্তিও লেহেমীয়া হয়। গতিকে কিছুমান খাদ্য পৰিহাৰ কৰিব লাগে:
১/ অত্যধিক ভজা খাদ্য
গধুৰ আৰু তেলীয়া খাদ্য যেনে চামোচা, পকোৰা, পুৰী, পৰঠা আদিয়ে গ্ৰীষ্মকালত শৰীৰক অধিক গৰম কৰে আৰু বদহজমৰ সৃষ্টি কৰিব পাৰে।
২/ অধিক মছলাযুক্ত খাদ্য
অত্যধিক জলকীয়া , মছলাযুক্ত খাদ্যই শৰীৰত গৰম আৰু জ্বলন বৃদ্ধি কৰে। ইয়াৰ ফলত পেটৰ বিষ, এচিডিটি আৰু স্নায়বিক বিকাৰৰ সৃষ্টি হ’ব পাৰে।
৩/ গেছ উৎপাদনকাৰী বস্তু
পকা কল, কঠাল, ৰাজমা, বুট, কচু , তেলাল মাংস আদি গধুৰ খাদ্য বেছি পৰিমাণে সেৱন নকৰিব, কাৰণ হজম হ’বলৈ সময় লাগে।
৪/ অত্যধিক মিঠাই বা ডেজাৰ্ট
অত্যধিক চেনি সেৱন কৰিলে শৰীৰত পানীৰ অভাৱ হয় আৰু লগতে মেদবহুলতাও বৃদ্ধি পায়।
৫/ ৰ’দৰ পৰা অহাৰ লগে লগে ঠাণ্ডা বস্তু সেৱন
ৰ’দৰ পৰা অহাৰ লগে লগে অতি ঠাণ্ডা পানী, আইচক্ৰীম বা ঠাণ্ডা পানীয় সেৱন কৰিলে ডিঙি আৰু পাচনতন্ত্ৰৰ ক্ষতি হ’ব পাৰে।
৬/ ঠাণ্ডা পানীয়
ইয়াত অধিক পৰিমাণৰ চেনি আৰু ৰাসায়নিক পদাৰ্থ থাকে যিয়ে শৰীৰত বিষক্ৰিয়া হ'ব পাৰে।
৭/ ফাষ্ট ফুড আৰু জাংক ফুড
গ্ৰীষ্মকালত এইবোৰ আৰু অধিক ক্ষতিকাৰক, কাৰণ ইয়াত পুষ্টি নাথাকে আৰু শৰীৰ গৰম আৰু ভাগৰুৱা কৰে।
প্ৰতিদিনে আধা ঘণ্টা খোজ কাঢ়িলে স্বাস্থ্যৰ ওপৰত কি প্ৰভাৱ পৰে?
নিয়মিতভাৱে প্ৰতিদিনে ৩০ মিনিট খোজ কঢ়াটো সহজ আৰু অতি ফলপ্ৰসূ ব্যায়াম। ইয়াৰ সুবিধাসমূহঃ
১/ হৃদযন্ত্ৰৰ স্বাস্থ্যৰ উন্নতি হয়
ৰক্তচাপ নিয়ন্ত্ৰিত হয়, হৃদযন্ত্ৰ শক্তিশালী হয় আৰু হাৰ্ট এটেকৰ সম্ভাৱনা কমি যায়।
২/ ওজন নিয়ন্ত্ৰণত থাকে
দৈনিক খোজ কাঢ়িলে কেলৰি জ্বলায় আৰু বিপাকীয় ক্ৰিয়া ভাল কৰি ৰাখে।
৩/ ডায়েবেটিছ নিয়ন্ত্ৰণত থাকে
খোজ কঢ়াৰ ফলত তেজৰ চেনিৰ মাত্ৰা সুষম হৈ থাকে, যিটো টাইপ ২ ডায়েবেটিছত অতি উপকাৰী।
৪/ মানসিক চাপ আৰু উদ্বেগৰ পৰা সকাহ
খোজ কঢ়াৰ ফলত এণ্ড’ৰ্ফিন হৰম’ন নিৰ্গত হয়, যিয়ে মেজাজ উন্নত কৰে আৰু মানসিক চাপ কমায়।
৫/ পাচনতন্ত্ৰ ভাল হৈ থাকে
খাদ্য হজম হয় আৰু কোষ্ঠকাঠিন্যৰ দৰে সমস্যাৰ পৰা উপশম পায়।
৬/ টোপনি ভাল
নিয়মিত খোজ কঢ়াই শৰীৰক কিন্তু ভাগৰুৱা কৰি তোলে আৰু টোপনিৰ মান উন্নত কৰে।
৭/ হাড় আৰু গাঁঠি মজবুত কৰে
নিয়মীয়াকৈ খোজ কঢ়াৰ ফলত হাড় মজবুত হয় আৰু লগতে বাতবিষৰ দৰে সমস্যাও কমি যায়।
• গ্ৰীষ্মকালত লঘু, সতেজ আৰু বতৰৰ খাদ্য খাব লাগে।
• সঠিক সময়ত ঠাণ্ডা বস্তু সেৱন কৰক।
• প্ৰতিদিনে ৩০ মিনিট খোজ কঢ়াটো আপোনাৰ সামগ্ৰিক স্বাস্থ্যৰ বাবে অমৃতৰ দৰে।
