By Good Assam ১১ মে, ২০২৫
২৩ বছৰ বয়সত ভাৰত-পাকিস্তান সীমান্তত বীৰত্ব প্ৰদৰ্শন কৰি দেশৰ বাবে প্ৰাণ আহুতি দিলে অগ্নিবীৰ মুৰালী নাইকে। ৯ মে’ত ‘অপাৰেচন সিন্দুৰ’ৰ সময়ত সীমান্তত পাকিস্তানে গোলাবৰ্ষণত প্ৰাণ হেৰুৱাইছিল মুৰালী নাইকে। আজি যেতিয়া তেওঁৰ মৃতদেহ অন্ধ্ৰপ্ৰদেশৰ গোৰান্তলা মণ্ডলৰ গৃহ চহৰ কলিঠাণ্ডা গাঁৱত উপস্থিত হয় তেতিয়া গাঁওখনত শোকৰ জোৱাৰে উঠিছে । জাতিৰ বাবে মুৰালী নাইকৰ পৰম ত্যাগৰ প্ৰতি নেতা, বিষয়া আৰু নাগৰিকে একেদৰেই আৱেগিক শ্ৰদ্ধাঞ্জলি জ্ঞাপন কৰে।
২০০২ চনৰ ৮ এপ্ৰিলত জন্মগ্ৰহণ কৰা অগ্নিবীৰ মুৰালী নাইকে সৰুৰে পৰাই দেশৰ সেৱা কৰাৰ সপোন দেখিছিল। ২০২২ চনৰ ডিচেম্বৰ মাহত ২০ বছৰ বয়সত তেওঁ অগ্নিপথ আঁচনিৰ অধীনত ভাৰতীয় সেনাবাহিনীত যোগদান কৰি নিজৰ সপোন বাস্তৱায়িত কৰিছিল। নাচিকত ৬ মাহ কঠোৰ প্ৰশিক্ষণৰ অন্তত ১ বছৰ অসমত সেৱা আগবঢ়াই বৰ্তমান পঞ্জাৱত পদবী হৈছিল।
‘অপাৰেচন সিন্দুৰ’ত জম্মু-কাশ্মীৰত শ্বহীদ হোৱা মুৰালীয়ে দুদিন পূৰ্বে পিতৃ-মাতৃৰ সৈতে ফোনত কথা পাতিছিল, য’ত তেওঁ যুদ্ধত অংশগ্ৰহণ কৰাৰ কথা কৈছিল। তেওঁৰ দেশপ্ৰেম আৰু সেনাবাহিনীৰ প্ৰতি সমৰ্পিততাই তেওঁক বিশেষ অভিযান ফ’কাচ কেডাৰ (এভি-অ’পিআৰ)ত স্থান লাভ কৰে।
সেনা নম্বৰ A3451489H মুৰালী নাইক পিতৃ-মাতৃ শ্ৰীৰামলু নাইক আৰু জ্যোতি বাইৰ একমাত্ৰ পুত্ৰ আছিল। ২০১৬-১৭ চনত সমন্দেপল্লীৰ পৰা দশম শ্ৰেণীত উত্তীৰ্ণ হৈছিল আৰু তেওঁ অবিবাহিত আছিল। ৪ বছৰীয়া সেৱা সম্পূৰ্ণ কৰি ২০২৬ চনত ঘৰলৈ উভতি আহিব বুলি মাক-দেউতাকক কৈছিল মুৰালীয়ে যদিও দেশৰ বাবে প্ৰাণ আহুতি দিলে। তেওঁৰ ইচ্ছা প্ৰকাশ কৰিছিল যে যদি তেওঁৰ মৃত্যু হয় তেন্তে তেওঁৰ শৰীৰত ত্ৰিৰংগাখন মেৰিয়াই দিব। পৰিয়ালৰ সৈতে তেওঁৰ শেষৰটো ফোন কল আহিছিল । তেওঁ চিৰদিনৰ বাবে ইতিহাসৰ পাতত থাকি গ'ল তেওঁৰ সাহস আৰু দেশপ্ৰেমৰ প্ৰতীক হিচাপে।
গুড অসমৰ তৰফৰ পৰা তেওঁৰ আত্মাক সশ্ৰদ্ধ প্ৰণাম।
