( অপূৰ্ব দাস )
হিন্দুসকলৰ মাজত ব'হাগ পূৰ্ণিমাৰ যথেষ্ট তাৎপৰ্য আছে। এইবাৰ ২০২৫ চনৰ ১২ মে’ত বৈশাখ পূৰ্ণিমা পালন কৰা হৈছে । এই দিনটোত মানুহে সত্যনাৰায়ণ কথা পাঠ কৰি চন্দ্ৰক পানী আগবঢ়াই লক্ষ্মী দেৱীক পূজা কৰে।
হিন্দু ধৰ্মত পূৰ্ণিমাৰ দিনটোক অতি শুভ বুলি গণ্য কৰা হয়। বʼহাগ মাহৰ পূৰ্ণিমাৰ দিনটোক বুদ্ধ পূৰ্ণিমা আৰু বুদ্ধ জয়ন্তী বুলি জনা যায়। এইবাৰ ১২ মে’ত বুদ্ধ পূৰ্ণিমা উৎসৱ পালন কৰা হৈছে। এই উৎসৱটো হিন্দু আৰু বৌদ্ধ উভয় ধৰ্মৰ অনুগামীসকলে পালন কৰে। বুদ্ধ পূৰ্ণিমা বুদ্ধৰ জন্ম, জ্ঞানলাভৰ দিন আৰু লগতে তেওঁৰ মহাপৰিনিৰ্বাণৰ দিন হিচাপে পালন কৰা হয়।
কোৱা হয় যে এই পবিত্ৰ দিনটোত ব্ৰত পালন কৰাসকলে ঐশ্বৰিক শক্তি লাভ কৰে আৰু দেৱী লক্ষ্মী তেওঁলোকৰ ঘৰত চিৰকাল বাস কৰে।
গৌতম বুদ্ধৰ জন্ম :
এই উৎসৱ বৌদ্ধ ধৰ্ম আৰু হিন্দু লোকসকলৰ বাবে বিশেষ বুলি গণ্য কৰা হয়। এই দিনটোত গৌতম বুদ্ধৰ শিক্ষা পালন কৰা হয় আৰু তেওঁক বিশেষভাৱে পূজা কৰা হয়। বুদ্ধ পূৰ্ণিমা উৎসৱ প্ৰধানকৈ পূব এছিয়া আৰু দক্ষিণ এছিয়াত পালন কৰা হয়। এই শুভ দিনটোতে নেপালৰ লুম্বিনিত গৌতম বুদ্ধৰ জন্ম হয়। গৌতম বুদ্ধই ৩৫ বছৰ বয়সত নিৰ্বাণ লাভ কৰিছিল।
বʼহাগৰ শেষৰ তিনিদিন অতি পবিত্ৰ আৰু শুভ বুলি গণ্য কৰা হয়। যিটো এইবাৰ ১০, ১১ আৰু ১২ মে’। এই দিনবোৰত গা ধোৱা, দান কৰা, ব্ৰত ৰখা আৰু পূজা কৰাই গোটেই বʼহাগ মাহত কৰা সকলো ভাল কামৰ আশীৰ্বাদ আনে।
স্কন্দ পুৰাণৰ বৈষ্ণৱ খণ্ড অনুসৰি বʼহাগ মাহৰ শেষৰ তিনিটা দিনত অন্তহীন গুণ প্ৰদান কৰে আৰু সকলো ধৰণৰ পাপ নিৰ্মূল কৰে। সেইবাবেই ইয়াক পূষ্কৰিনী বুলি কোৱা হয়। ইয়াৰ ভিতৰত শনিবাৰে ত্ৰয়োদশী, দেওবাৰে চতুৰ্দশী আৰু সোমবাৰে পূৰ্ণিমা হʼয়।
শাস্ত্ৰ মতে এই তিনিদিনত ভগৱান বিষ্ণুৰ তিনিটা অৱতাৰ সংঘটিত হৈছিল। ত্ৰয়োদশীক নৰসিংহ জয়ন্তী, চতুৰ্দশীক কুৰ্মা জয়ন্তী আৰু পূৰ্ণিমাক বুদ্ধ জয়ন্তী (বুদ্ধ পূৰ্ণিমা) হিচাপে পালন কৰা হয়। গতিকে বʼহাগৰ অন্তিম দিনত স্নান, দান আৰু পূজা কৰিব লাগে । বʼহাগৰ এই তিনি শুভ তাৰিখে মানুহৰ পাপ নাশ কৰে আৰু সুখী জীৱন নিৰ্বাহ কৰে।
স্কন্দ পুৰাণত কোৱা হৈছে যে যদি কোনো ব্যক্তিয়ে গোটেই বʼহাগৰ মাহটোত ৰাতিপুৱা পৱিত্ৰ স্নান কৰি ভগৱানক পূজা কৰিব নোৱাৰিলে, তেন্তে এই তিথিত সূৰ্য্য উদয়ৰ আগতেই উঠি পবিত্ৰ নদীৰ পানীত যদি স্নান কৰি বুদ্ধ দেৱক পূজা কৰে তেতিয়া তেওঁ গোটেই মাহৰ পুণ্য লাভ কৰে।
বʼহাগ মাহৰ শেষৰ তিনিটা তাৰিখত গীতা পাঠ কৰিলে অশ্বমেধ যজ্ঞ সম্পাদনৰ ফল পোৱা যায়। এই তিনিদিনত শ্ৰী বিষ্ণু সহস্ৰানাম পাঠ কৰিলে অন্তহীন, অসীম গুণৰ ফল পোৱা যায়। বʼহাগ পূৰ্ণিমাৰ দিনা যিজনে ভগৱান বিষ্ণুক হাজাৰ নামেৰে গাখীৰ আৰু পানীৰে অভিষেক কৰে তেওঁ বৈকুণ্ঠ ধাম লাভ কৰে। বʼহাগৰ শেষৰ তিনিদিনত শ্ৰীমদ ভাগৱতৰ কথা শুনিলে জানি-অজানিতে কৰা সকলো ধৰণৰ পাপ নাইকিয়া হয়।
চন্দ্ৰক পানী আগবঢ়োৱাৰ পৰম্পৰা :
বুদ্ধ পূৰ্ণিমাৰ দিনা বিশ্বৰ বিভিন্ন প্ৰান্তৰ পৰা বৌদ্ধ ধৰ্মাৱলম্বী লোকে বোধগয়ালৈ আহি বোধি গছক পূজা কৰে। ব'হাগ পূৰ্ণিমাৰ দিনা পবিত্ৰ নদীৰ পানীত স্নান কৰি ঘৰতে সত্যনাৰায়ণ ভগৱান পূজা আৰু ৰাতি চন্দ্ৰক পানী আগবঢ়োৱাৰ পৰম্পৰা আছে। চন্দ্ৰক অৰ্ঘ্য প্ৰদান কৰিলে মানসিক শান্তি আৰু সুখ আৰু সমৃদ্ধি পোৱা যায় বুলি বিশ্বাস কৰা হয়।
এইবাৰৰ শুভ সময় :
১১ মে’ৰ নিশা ৮:০২ বজাৰ পৰা আৰম্ভ হ’ব বুদ্ধ পূৰ্ণিমা আৰু ১২ মে’ৰ নিশা ১১:২৬ বজাত শেষ হ’ব। সনাতন ধৰ্মত উদয়ৰ তাৰিখ বৈধ। সেয়েহে অহা ১২ মে’ত বুদ্ধ পূৰ্ণিমা পালন কৰা হ’ব।
বুদ্ধ পূৰ্ণিমাৰ দিনা ৰবি যোগ
বুদ্ধ পূৰ্ণিমাৰ দিনা ৰবি যোগ হয়। ৰাতিপুৱা ৫:৩২ বজাৰ পৰা গঠিত হ’ব ৰবি যোগ আৰু পুৱা ৬:১৭ বজালৈকে চলিব। ৰবি যোগত পূজা কৰিব সকলো ধৰণৰ দোষ নাইকিয়া হয়।
বুদ্ধ পূৰ্ণিমাৰ তাৎপৰ্য :
শাস্ত্ৰ মতে বুদ্ধ পূৰ্ণিমাক সকলোতকৈ শ্ৰেষ্ঠ বুলি গণ্য কৰা হয়। প্ৰতি মাহৰ পূৰ্ণিমা জগতৰ ৰক্ষক ভগৱান শ্ৰী হৰি বিষ্ণুৰ নামত উৎসৰ্গা কৰা হয়। ভগৱান বুদ্ধক ভগৱান বিষ্ণুৰ নৱম অৱতাৰ বুলি গণ্য কৰা হয়। যি এই পবিত্ৰ দিনটোত বিহাৰৰ পবিত্ৰ তীৰ্থস্থান বোধ গয়াত বোধি গছৰ তলত জ্ঞান লাভ কৰিছিল।
বʼহাগ মাহক পবিত্ৰ মাহ বুলি গণ্য কৰা হয়। ইয়াৰ বাবেই হাজাৰ হাজাৰ ভক্তই পবিত্ৰ তীৰ্থস্থানত স্নান কৰি দান-বৰঙণি দি গুণ অৰ্জন কৰে। পূৰ্ণিমাৰ দিনা পবিত্ৰ নদীত গা ধোৱাটো বিশেষ গুৰুত্বপূৰ্ণ বুলি বিবেচিত হয়।
এনেদৰে বুদ্ধ পুৰ্ণিমা পালন কৰক :
(১) ৰাতিপুৱা সোনকালে শুই উঠিব আৰু গংগা নদীত বা গংগাৰ কিছু পবিত্ৰ পানীৰে স্নান কৰক। যিসকলে গা ধুবলৈ গংগা নদীলৈ যাব নোৱাৰে, তেওঁলোকে ঘৰতে গা ধুৱা পানীত গংগা পানী মিহলাই দিব লাগে।
(২) এই দিনটোত একাংশ লোকে গংগা নদীত পবিত্ৰ স্নান কৰিবলৈও হৰিদ্বাৰ, ঋষিকেশ আদি গুৰুত্বপূৰ্ণ স্থানলৈ যায়। কোৱা হয় যে গংগা পানীয়ে শৰীৰ, মন আৰু আত্মাক শুদ্ধ কৰে।
(৩) আজিৰ দিনটোত মানুহে ভগৱান চন্দ্ৰক অৰ্ঘ্য আগবঢ়াই তেওঁৰ বৈদিক মন্ত্ৰ জপ কৰে।
(৪) এই বিশেষ দিনটোক দান-বৰঙণিৰ বাবেও ফলপ্ৰসূ বুলি গণ্য কৰা হয়। পূৰ্ণিমাৰ দিনা ব্ৰাহ্মণ, দুখীয়া লোকক খাদ্য আৰু বস্ত্ৰ দান কৰিব লাগে।
(৫) আজিৰ দিনটোত ভক্তসকলে সত্যনাৰায়ণ উপবাস পালন কৰি পূজা কৰে।
(৬) পূৰ্ণিমাৰ দিনটোক অতি বিশেষ বুলি গণ্য কৰা হয় কাৰণ চন্দ্ৰৰ পোহৰ পোনপটীয়াকৈ পৃথিৱীত পৰে, যাৰ ফলত ঘৰত সমৃদ্ধি আৰু সুখৰ সৃষ্টি হয়। এই দিনটোত চন্দ্ৰদেৱক পূজা কৰাসকলে ভাল স্বামী বা ভাল পত্নীৰ লগতে সৰ্ব সুখ লাভ কৰে।
(৭) এই দিনটোত আৰ্তজনক খাদ্য খুৱাব লাগে আৰু কাপোৰ-কানি দান কৰিব লাগে।
