অন্ত্ৰই পুষ্টি শোষণ কৰে : শৰীৰত দেখা এই ৪টা সহজ লক্ষণে আপোনাৰ অন্ত্ৰৰ ক্ষতি হ’বলৈ আৰম্ভ কৰাৰ ইংগিত দিয়ে।
অপূৰ্ব দাস
অন্ত্ৰ এনে এক আমাৰ তন্ত্ৰ যত নাৰী-ভুৰু সোমাই থাকে। পাকস্থলীত ভাঙি টুকুৰা টুকুৰ হোৱা খাদ্য অন্ত্ৰলৈ গৈ হজম হয় আৰু পুষ্টি আহৰণ কৰে। যদিহে অন্ত্ৰৰ সমস্যা হয় তেতিয়া গেছ, গেষ্ট্ৰীক হʼবলৈ আৰম্ভ কৰে। যাৰ ফলত অন্ত্ৰই পুষ্টি আহৰণ কৰিব নোৱাৰা হয়। এই কাৰণেই অন্ত্ৰৰ সমস্যাসমূহ সময়মতে নিয়ন্ত্ৰণ কৰাটো গুৰুত্বপূৰ্ণ আৰু এই লক্ষণসমূহ চিনাক্ত কৰি সোনকালেই চিকিৎসা কৰিব পাৰি।
কি কি ৰোগ হ'ব পাৰে অন্ত্ৰৰ ক্ষতি হ'লে ?
অন্ত্ৰ এনে এক আমাৰ তন্ত্ৰ যত নাৰী-ভুৰু সোমাই থাকে। পাকস্থলীত ভাঙি টুকুৰা টুকুৰ হোৱা খাদ্য অন্ত্ৰলৈ গৈ হজম হয় আৰু পুষ্টি আহৰণ কৰে। যদিহে অন্ত্ৰৰ সমস্যা হয় তেতিয়া গেছ, গেষ্ট্ৰীক হʼবলৈ আৰম্ভ কৰে। যাৰ ফলত অন্ত্ৰই পুষ্টি আহৰণ কৰিব নোৱাৰা হয়।
• অন্ত্ৰ দুৰ্বল হ'লে কিবা খালেই পেটত গেছৰ সমস্যা হয়। সৌচ থপথপীয়া বা একেবাৰে টান হʼব পাৰে।
• অন্ত্ৰ দুৰ্বল হ'লে খাদ্যৰ পৰা পুষ্টি আহৰণ কৰিব নোৱাৰা হয়। ইয়াৰ ফলত ৰোগ প্ৰতিৰোধ ক্ষমতা কমি যায়।
• ছাল আৰু চুলিৰ সমস্যা হয়।
• শৰীৰত ভিটামিনৰ অভাৱ হʼবলৈ আৰম্ভ হয়।
• এনে সমস্যা বহুদিনলৈ হৈ থাকিলে দুৰ্বল হয়। যি কোনো ৰোগত সহজে আক্ৰান্ত হয়।
• জলকীয়া, মিঠা, গাখীৰ, মাছ-মাংস, তেলত ভজা বস্তু খালে ৰোগ বেছি হয়।
• কেতিয়াবা ৰোগী বমিও কৰে।
• তেজৰ পৰিমাণ হ্ৰাস পায়।
• টোপনি কম হয় আৰু মানসিক চিন্তা বাঢ়ে।
অন্ত্ৰ দুৰ্বল হোৱাৰ সংকেত সমূহ :
১) ভাত খালেই সৌচ লগা বা দিনত কেইবাবাৰো সৌচ কৰাৰ ইচ্ছা
যেতিয়াই অন্ত্ৰৰ সমস্যা হয় তেতিয়াই প্ৰথমে বাৰে বাৰে (২/৩ বাৰকৈ বা তাতোকৈ বেছি ) সৌচ কৰাৰ লগত জড়িত সমস্যা হ’বলৈ আৰম্ভ কৰে। সৌচ থপথপীয়া বা কঠিন হʼব পাৰে। যদি এনে সমস্যা হৈছে তেন্তে আপুনি চিকিৎসকৰ সৈতে যোগাযোগ কৰিব লাগে।
২/ পেট ফুলাৰ অভ্যাস
অন্ত্ৰ বেয়া হলে আপোনাৰ পাচনতন্ত্ৰৰ ওপৰতো প্ৰত্যক্ষ প্ৰভাৱ পেলায় আৰু সেয়েহে যদি আপোনাৰ পাচনতন্ত্ৰ সঠিকভাৱে কাম নকৰে, তেন্তে পেট ফুলাৰ দৰে সমস্যা হোৱাটো সাধাৰণ কথা। যদি আপুনি বাৰে বাৰে পেট ফুলাৰ সমস্যা হ’বলৈ আৰম্ভ কৰিছে, তেন্তে আপুনি নিজকে চিকিৎসকৰ পৰা পৰীক্ষা কৰাব লাগে। কিন্তু এইটো অন্ত্ৰৰ ৰোগৰ লক্ষণ বুলি কোৱাটো প্ৰয়োজনীয় নহয় যদিও এবাৰ নিশ্চিত কৰাটো অতি প্ৰয়োজনীয়।
৩) সঘনাই কোষ্ঠকাঠিন্যৰ অভিযোগ
কোষ্ঠকাঠিন্য বা সৌচ টান হোৱাতো অন্ত্ৰৰ ক্ষতিৰ লক্ষণ। আপুনি জানেনে যে কেতিয়াবা কোষ্ঠকাঠিন্যও শৰীৰৰ ভিতৰৰ কোনো গুৰুতৰ ৰোগৰ লক্ষণ হ’ব পাৰে, যিটো আওকাণ কৰা উচিত নহয়। কোষ্ঠকাঠিন্য অন্ত্ৰৰ ৰোগৰ লক্ষণ হব পাৰে। চিকিৎসকৰ সহায়ত নিশ্চিত হ’বলৈ স্বাস্থ্য পৰীক্ষা কৰাব।
৪/ ভোক কমি যোৱা
অতি কম সংখ্যক লোকে এই কথা জানে যে ভোক কমি যোৱাটো কেতিয়াবা অন্ত্ৰৰ স্বাস্থ্যৰ দুৰ্বলতাৰ লক্ষণ হ’ব পাৰে। লক্ষ্য কৰা হৈছে যে যেতিয়া আপোনাৰ অন্ত্ৰই সঠিকভাৱে কাম নকৰে তেতিয়া আপোনাৰ ভোকও কমি যায়, কিন্তু এই লক্ষণৰ পৰা মানুহে প্ৰায়ে অন্ত্ৰৰ ৰোগ অনুমান কৰিব নোৱাৰে।
