ভুলতেও চাহৰ লগত এইবোৰ বস্তু নাখাব। খোৱাৰ বাবে মানুহ অসুস্থ হৈ পৰে, আজিৰ পৰা এইবোৰ সেৱন বন্ধ কৰক।
Apurba Das
চাহক স্বাস্থ্যৰ বাবে ভাল বিকল্প বুলি গণ্য কৰা নহয় যদিও চাহৰ লগত খোৱা কিছুমান বস্তু আছে যিবোৰ স্বাস্থ্যৰ বাবে অধিক ক্ষতিকাৰক বুলি গণ্য কৰা হয়।
সমগ্ৰ বিশ্বৰ মানুহ চাহৰ বাবে পাগল হৈ পৰিছে আৰু বহুত চাহ খাইছে। এই লোকসকলৰ মাজত দিনটোত বহুবাৰ চাহ খোৱা কিছুমান লোকো আছে। লাল চাহ খোৱাটো কিছু পৰিমাণে স্বাস্থ্যকৰ যদিও মানুহে বেছিকৈ চাহ খালে স্বাস্থ্যৰ ক্ষতি কৰে। কিন্তু সমস্যাটো কেৱল ইয়াতেই শেষ নহয়, এইটোও লক্ষ্য কৰা হৈছে যে চাহ খোৱাৰ লগতে মানুহৰ কিবা এটা খোৱাৰ অভ্যাসও আছে। চাহৰ লগত খোৱা কিছুমান বস্তু আছে যিয়ে স্বাস্থ্যৰ ক্ষতি কৰে । এই লেখাটোত আমি আপোনালোকক এনে কিছুমান বস্তুৰ বিষয়ে ক’ম যিবোৰ চাহৰ লগত খালে স্বাস্থ্যৰ ক্ষতি হয় আৰু ইয়াৰ বাবে পিছত বহুত সমস্যাৰ সন্মুখীন হ’বলগীয়া হ’ব পাৰে। জানিবলৈ পঢ়িব, চাহৰ লগত কি কি বস্তু সেৱন কৰিব নালাগে।
১/ ভজা খাদ্য
দেখা গৈছে যে বেছিভাগ মানুহেই চাহৰ লগত ভজা বস্তু যেনে ব্ৰেড পকোৰা, নিমখীয়া , মিঠা আৰু জলকীয়া ইত্যাদি খাবলৈ ভাল পায়। কিন্তু তেলত সিজোৱা ভজা খাদ্য চাহৰ লগত খালে ভাল নহয়। চাহৰ লগত কেতিয়াবাহে খালে এনেবোৰ বস্তুৰ বাবে বেছি ক্ষতি নহয় যদিও দৈনিক চাহৰ লগত এইবোৰ সেৱন কৰা লোক আন বহুতো স্বাস্থ্যজনিত ৰোগৰ আশংকা থাকে। গেষ্ট্ৰীক ইয়াৰ উদাহৰণ। ইয়াৰ ফলত পাকস্থলীত ঘাঁ হৈ আলচাৰ বা কেনচাৰ হʼব পাৰে নাইবা কিডনী ৰোগো হোৱা দেখা গৈছে।
২) মৈদাৰ পৰা তৈয়াৰী বস্তু
চাহৰ লগত যদি কোনো বস্তু অতিৰিক্তভাৱে খোৱা হয়, তেন্তে তাৰ ভিতৰত মৈদাৰ সামগ্ৰীও অন্তৰ্ভুক্ত কৰা হয়। বিস্কুট, কুকিজ আৰু পৰঠা বা পুৰি আদি এই সকলোবোৰ আটাৰে তৈয়াৰ কৰা হয়। আনকি বিভিন্ন প্ৰকাৰৰ নিমখীয়া খাদ্য, মিঠা আৰু জলকীয়া খাদ্যও ইয়াৰ ভিতৰত পৰে । এইবোৰ মৈদাৰ পৰা তৈয়াৰ কৰা হয় আৰু যদি আপুনি নিয়মিতভাৱে এইবোৰ বস্তু সেৱন কৰি আছে তেন্তে এই অভ্যাস অতি সোনকালে এৰি দিয়ক।
৩/ ঠাণ্ডা বস্তু খোৱা
দেখা গৈছে যে বহুতে চাহৰ লগত এনেকুৱা বস্তু খোৱাৰ ভুল কৰে। চাহৰ লগত বহু বস্তু সেৱন কৰাটো এটা অভ্যাসত পৰিণত হৈছে। কাৰণ সৰুৰে পৰা মাক-দেউতাকে সেইটোৱেই খাবলৈ দিয়ে আৰু নিজেও খায়। ঘৰতে ৰন্ধা খাদ্য যেনে ৰুটি, পিঠা, পাউৰুটি আদি সম্পূৰ্ণ ঠাণ্ডা হৈ যায়, তেতিয়া ভুলতেও চাহৰ লগত খাব নালাগে। এনে বস্তু খালে পাকস্থলীত হাইড্ৰক্লৰিক এচিড বেছিকৈ উৎপন্ন হয় আৰু পাকস্থলী আৰু ক্ষুদ্ৰান্ত্ৰৰ ক্ষতি কৰে , যাৰ ফলত ভাল ভাল খালেও পুষ্টি আহৰণ কৰিব নোৱাৰা হয়। ইয়াৰ ফলতেই ছাল, চুলিৰ সমস্যা আৰু ৰোগ প্ৰতিৰোধ ক্ষমতা কমি যায়।
৪) টেঙা বস্তু খোৱা
কিছুমান মানুহে চাহৰ লগত টেঙা বস্তু যেনে টমেটো চচ বা আচাৰ আদি সেৱন কৰে। কিন্তু খাদ্য বিশেষজ্ঞৰ মতে টেঙা বস্তু চাহৰ লগত খাব নালাগে আৰু তেনে কৰিলে হজম প্ৰক্ৰিয়া নষ্ট হয়। যদি আপোনাৰ পাচনতন্ত্ৰ অহৰহ অৱনতি ঘটি আছে, তেন্তে ইয়াৰ আঁৰৰ কাৰণো এইটোৱেই হ’ব পাৰে। গতিকে খাদ্যাভ্যাসৰ প্ৰতি বিশেষ যত্ন লোৱা উচিত।
৫) গাখীৰ আৰু চাহপাত:
গাখীৰ আৰু চাহপাতে হৈছে চাহ কাপৰ মূল। কিন্তু স্বাস্থ্য বিশেষজ্ঞই জনাইছে যে গাখীৰ খালে এনেই খাব লাগে। ইয়াত একো মিহলি কৰিব নালাগে।
চাহ পাত আৰু গাখীৰৰ সংমিশ্ৰণৰ ফলত কেফেইনৰ উৎপন্ন হয়। যি লাহে লাহে পাকস্থলী আৰু ক্ষুদ্ৰান্ত্ৰৰ ক্ষতি সাধন কৰে। মদ খোৱাৰ দৰে একেই ক্ষতি কৰিবলৈ আৰম্ভ কৰে। সেয়েহে সাৱধান হওক।
